ئەمڕۆ مەکتەبی سیاسی یەکێتی و پارتی لە سلێمانی کۆبوونەوە و لە راگەیاندراوێکی هاوبەشدا باسیان لەوەکردووە دەستپێشخەریەکەی بارزانی کە لەکاتی پێویستدا هات.
لەراگەیەنراوی هاوبەشی یەکێتی و پارتیدا هاتووەدەستپێشخەری بارزانی کە لەکاتی پێویستداهات، هەردوو لا هاوڕا بوون کە پێکەوە لەگەڵ لایەنە بەڕێزەکانی دیکەش هەنگاوی کرداری بنرێت بۆ بەپیرەوەچوونی ئەودەستپێشخەرییەو ناوماڵی کوردستانی ڕێکبخرێتەوە ولاپەرەیەکی نوێ ل کۆی پەیوەندیەکان بکرێتەوە.
لە راگەیاندراوە هاوبەشەکەدا هاتووە، بڕیاریان داوە وەک یەک تیم کار بکەن و زنجیرەیەک کۆبوونەوەی دیکەش ئەنجامبدەن. دەشڵێن، "کۆبوونەوەکانی داهاتوو بۆ فەراهەمکردنی کەش و هەوای لەبار دەبێت، لە رووی یاسایی و سیاسییەوە بۆ ئەنجامدانی هەڵبژاردن و ڕووبەڕووبونەوەی ئەو ئاڵەنگارییانەی لە ناوچەکەدا هەیە."
ئەوەش
خراوەتەڕوو، "هەردوولا هاوڕابوون لەسەر ئەوەی پێکەوە لەگەڵ لایەنەکانی دیکە هەنگاوی کرداری بنرێت بۆ بەپیرەوەچوونی ئەودەستپێشخەرییە
و ناوماڵی کوردستانی ڕێکبخرێتەوە و لاپەرەیەکی
نوێ لە کۆی پەیوەندییەکان بکرێتەوە
."
پاش ساڵیک لە وەستاندنی
کۆبوونەوەکان، ئەمڕۆ شاندنی پارتی سەردانی شاندی یەکێتی کرد لە سلێمانی و بەپێی
زانیارییەکیش لە داهاتوودا لەسەر ئاستی باڵادا کۆبوونەوەی یەکلاکەرەوەی پرسە گرنگەکان
ئەنجامدەدەن.
پێشتریش مەسعود
بارزانی سەرۆکی پارتی داوای لە لایەنە سیاسییەکانى هەرێم کرد، لاپەڕەیەکی نوێ بکەنەوە
و پێش ١٨ى ئەم مانگە کۆبوونەوەیەکی فراوان بکەن و تێیدا هەموو کێشەکان باسبکرێن و
چارەسەریان بۆ بدۆزرێتەوە.
دوای سەردانی یاریدەدەری
وەزیری دەرەوەی ئەمریکا بۆ عێراق و هەرێم، دوای هەشت مانگ مەسرور بارزانی سەرۆک وەزیرانی
حکومەتی ماوەبەسەرچووی هەرێم و قوباد تاڵەبانی جێگری کۆبوونەوە.