لە بازاڕی دراوەکانی هەرێم ١٠٠ دۆلار بە ١٤٥ هەزار و ٧٠٠ دینار مامەڵەی پێوەدەکرێت و بەراورد بە کاتی کردنەوەی بازاڕ نرخی ١٠٠ دۆلار، هەزار و ٥٠ دینار دابەزیوە.
ئەمڕۆ دووشەممە، لەگەڵ کردنەوەی بازاڕی دراوەکاندا لە هەرێم ١٠٠ دۆلار بەرامبەر بە ١٤٦ هەزار و ٧٥٠ دینار مامەڵەی پێوەدەکرا و دواتر نرخەکەی دابەزی.
بانکی ناوەندی عێراق ٢٧٢
ملیۆن ٥٩٣ هەزار و ٦٥٥ دۆلاری خستە بازاڕەوە، ٢١٦ ملیۆن و ٤٣٩ هەزار و ٦٥٥ دۆلاری بەشێوەی حەواڵە بووە و ٥٦ ملیۆن و ١٠٠ هەزاریشی
بەشێوەی کاش بووە.
ئەوەش لە
کاتێکدایە، بە بڕوای شارەزایانی ئابوری بەهۆی دواکەوتنی داواکاری دۆلاری دەرەوە
بازرگانەکانی عێراق و هەرێم پەنایان بردووەتە بەر دۆلاری ناوخۆ سەرەڕای بەرزی نرخەکەی
ئەویش خواستی لەسەر دراوی دۆلار زیادکردووە و لە ئەنجامدا نرخەکەی بەرزبووەتەوە.
هاوکات، بە بڕیاری وەزارەتی
ناوخۆی هەرێم لە چەند شارێکی عێراق بەڵیننامە بە پێشانگاکانی ئۆتۆمبێل و فرۆشگای کەلوپەلە
کارەباییەکان پڕکراوەتەوە بۆئەوەی لە مامەڵە بازرگانییەکانیاندا تەنیا دراوی دیناری
عێراقی بەکاربهێنن.