سەرۆکایەتی هێزی بەرگری ئاسمانی ئەمریکا "نوراد" رایگەیاند، شەش فڕۆکەی روسییان لە نزیک ناوچەی بەرگری ئاسمانی ئالاسکا راگرتووە.
سەرۆکایەتی هێزی بەرگری ئاسمانی ئەمریکا راگەیەنراوێکی بڵاوکردەوە و تیایدا هاتووە، رۆژی ١١ی ٥ی ٢٠٢٣ شەش فڕۆکەی روسی نزیک ناوچەی بەرگری ئاسمانی ئالاسکا بوونەتەوە.
ئاماژەی بەوەشداوە، ئەو شەش فڕۆکەیە لەلایەن هێزەکانیانەوە راگیراون کە لە
سنوری ئاسمانی نێودەوڵەتیدا ماونەتەوە و نەچوونەتە ناو ئاسمانی ئەمریکا و کەنەدا.
راگەیەنراوەکە ئەوەشی خستووەتەڕوو، فڕۆکەکانی روسیا جەنگی بوون و بۆمبی جۆری
"تو-٩٥، ئێڵ-٨٧ و سو-٣٥"یان هەڵگرتووە.
لەبەرامبەردا، تاوەکو ئێستا روسیا لەسەر ئاستی فەرمی هیچ لێدوانێکیان
لەبارەی رووداوەکەوە نەداوە و پشتڕاستییان نەکردووەتەوە.
ئەوەش لەکاتێکدایە، لە مانگی شوباتی ئەمساڵدا باڵۆنێکی چین سنوری ئاسمانی
ئەمریکای بەزاند و لەلایەن هێزی ئاسمانی ئەمریکاوە خرایە خوارەوە.
لایخۆیەوە، ئەمریکا باڵۆنەکەی چینی
بە مەبەستی بەکارهێنانی بۆ کاری سیخوڕی و هەواڵگری لە قەڵەمدا و چینیش ئەو لێدوانانەی
ئەمریکای رەتکردەوە و رایگەیاند، باڵۆنەکەیان بە مەبەستی لێکۆڵینەوە لە دۆخی کەش و
هەوا و زانستی بەکارهێناوە.