PM:02:11:14/05/2023
2728 جار خوێندراوەتەوە
وەزیری دارایی عێراق رایگەیاند، لە پرۆژەیاسای بودجەی ٢٠٢٣ دا دەستکاری موچەی فەرمانبەران و خانەنشینان و چاودێرانی کۆمەڵایەتی ناکرێت.
ئەمڕۆ یەکشەممە، تەیف سامی، وەزیری دارایی عێراق بە ئاژانسی هەواڵی عێراق راگەیاند، لە پڕۆژەیاسای بودجەی ساڵی ٢٠٢٣ هیچ گۆڕانکارییەک لە موچەی فەرمانبەران و خانەنشینان و چاودێرانی کۆمەڵایەتیدا ناکرێت بەڵام رەنگە لە ساڵی ٢٠٢٤ و ٢٠٢٥ـ دا گۆرانکاریان تێدا بکرێت.
ئەوەشی خستەڕوو، بەردەوامن لە بەهەمیشەیی کردنی ئەو فەرمانبەرە گرێبەستانەی
کە دوو ساڵ یان زیاتر خزمەتیان هەیە و لە
بودجەی ئەمساڵدا چارەسەری کێشەی ئەو فەرمانبەرە گرێبەستانە کراوە کە گرێبەستەکانیان
هەڵوەشاوەتەوە.
لە ١٣ـی ئازاری ئەمساڵدا ئەنجومەنی وەزیرانی عێراق رەشنووسی بودجەی هەرسێ
ساڵی ٢٠٢٣ و ٢٠٢٤ و ٢٠٢٥ ـی پەسەندکرد و رەوانەی پەرلەمانی کرد و تاکو ئێستا پەرلەمان
دوو خوێندنەوەی بۆ کردووە، بەڵام تاوەکو ئێستا پەسەند نەکراوە.
