بانکی ناوەندی عێراق خشتەی فرۆشتنی دۆلاری بۆ ئەمڕۆ بڵاوکردەوە و تیایدا هاتووە، بانکەکە زیاتر لە ١٨٥ ملیۆن دۆلاری خستووەتەڕوو.
ئەمڕۆ چوارشەممە، بانکی ناوەندی عێراق ١٨٥ ملیۆن دۆلار و ٢٤٦ هەزار و ٣٨٠ دۆلاری خستەڕوو، بەوەش بەراورد بە دوێنێ رێژەی فرۆشی دۆلاری بەرزکردووەتەوە.
بانکی ناوەندی عێراق
لەو بڕە دۆلارەی خستوویەتییەڕوو، ١٢٦ ملیۆن و ١٤٦ هەزار و ٣٨٠ دۆلاری بەشێوەی حەواڵە
بووە و ٥٩ ملیۆن و ١٠٠ هەزار دۆلاریشی بە شێوەی نەختینەی فرۆشتووە.
هەر دۆلارێکی
بانکی ناوەندی لە رێگای ئەلکترۆنییەوە بە ١٣٠٥ دینار دەفرۆشێت و بەشێوەی حەواڵە و
نەختینەیش هەر دۆلارێک بە ١٣١٠ دینار دەفرۆشێت.
ئەوەش لە کاتێکدایە،
دوێنێ بانکی ناوەندی عێراق ١٨٣ ملیۆن دۆلاری خستەبازاڕەوە و ماوەی هەفتەیەکە، رۆژانە
زیاتر لە ١٨٠ ملیۆن دۆلار بەشێوەی حەواڵە و کاش دەخاتەڕوو و لە ئێستاشدا نرخی ١٠٠
دۆلار بە ١٤٤ هەزار دینار مامەڵەی پێوەدەکرێت.