PM:08:38:01/05/2023
9780 جار خوێندراوەتەوە
بانکی ناوەندی رایگەیاند، پشتیوانییە داراییەکان بۆ پرۆژە بچووک و مامناوەندەکان بەردەوامە و بانکەکە قەرزی چوار ملیۆن دیناری تاوەکو ٥٠ ملیۆن دیناری دەداتە هاوڵاتیان و لە ماوەی پێنج ساڵدا بە شێوەی قیست لێیان وەردەگرێتەوە.
بانکی ناوەندی عێراق راگەیەنراوێکی بڵاوکردەوە و تێیدا هاتووە، پشتیوانی دارایی لە پڕۆژە بچووک و مامناوەندەکان بەردەوام دەبێت و پشتیوانییەکەش بریتییە لە چوار ملیۆن دینار تاوەکو ٥٠ ملیۆن دینار و لە وادەی پێنج ساڵدا دەدرێتەوە.
ئاماژەی بەوەشدراوە، دەستپێشخەری و پشتیوانی دارایی بۆ کڕینی یەکەکانی
بەرهەمهێنانی وزەی کارەبایی بە هەمان شێوە بەردەوامە و قەرزی دابینیکراو بریتی
دەبێت لە یەک ترلیۆن دینار.
ئەوەشخراوەتەڕوو، بەردەوام دەبن و پێدانی قەرز بەو هاوڵاتیانەی نیازی
کڕینی یەکەی نیشتەجێبوونیان هەیە و پشتیوانییە داراییەکانیان لەلایەن سندوقی
نیشتەجێکردنەوە بۆ دابین دەکرێت.
لە ساڵی ٢٠١٥ تاوەکو ئێستا بانکی ناوەندەی بەردەوامە لە دابینکردنی
پشتیوانی دارایی و قەرزی درێژخایەن بۆ پڕۆژە بچووک و مامناوەندەکان و ئەو کەسانەی
نیازی کڕینی یەکەی نیشتەجێبوونیان هەیە.
