لە کاتی داخستنی بازاڕی دراو نرخی ١٠٠ دۆلار بە ١٤٢ هەزار و ٢٥٠ دینار مامەڵەی پێوەدەکرێت بەراورد بە کاتی کردنەوەی بازاڕ نرخەکەی ٣٥٠ دینار دابەزیوە.
ئەمڕۆ دووشەممە، لە کاتی داخستنی بازاڕدا نرخی ١٠٠ دۆلار بە ١٤٢ هەزار و ٢٥٠ دینار بوو لە کاتێکدا لە سەرەتای کردنەوەی بازاڕ نرخەکەی ١٤٢ هەزار و ٦٠٠ دینار بوو.
هاوکات ئەمڕۆ بانکی ناوەندی عێراق بەهۆی پشوی رۆژی کرێکارانەوە هیچ بڕە دۆلارێکی
نەخستوەتەروو.
ماوەی چوار مانگە حکومەتی عێراق هەنگاوەکانی بۆ بەرزکردنەوەی بەهای دینار
بەرامبەر بە دۆلار چڕکردووەتەوە و وەک یەکێک لە هەنگاوەکانی بەهێزکردنەوەی بەهای دیناری
عێراقیش، بەڕێوەبەری بەڕێوەبەرایەتی وەبەرهێنانی سەر بە بانکی ناوەندی رایگەیاند،
وەک پشتیوانییەک بۆ بەهێزکردنی دراوی دیناری عێراقی موچەی کارمەندان و کرێکارانی بیانی
بە دینار دەدرێت.
لەلایەکی دیکەوە کۆمەڵەی بانکە ئەهلییەکانی عێراق رایانگەیاند، بەم زووانە
دیناری عێراقی بەهێز دەبێت و سەقامگیر دەبێتەوە و رێکارەکانی بانکی ناوەندی و دابینکردنی
ئاسانکاری زیاتر لە سەکۆی ئەلکترۆنی بەردەوام دەبێت.