PM:10:02:27/04/2023
50676 جار خوێندراوەتەوە
بەڕێوەبەری گشتی باری شارستانی و پاسپۆرت و نیشتەجێبونی عێراق رایگەیاند، رۆژانی هەینی و شەممە و دووشەممە کە پشوی فەرمین، بەمەبەستی راییکردنی کاروبارەکان و زوو تەواوکردنی پاسپۆرتی هاوڵاتییان، فەرمانبەر و کارمەندانی بەڕێوەبەرایەتی کاروباری پاسپۆرتی بەغدا دەوام دەکەن.
بەڕێوەبەرایەتی گشتی باری شارستانی و پاسپۆرت و شوێنی نیشتەجێبونی عێراق راگەیەنراوێکی بڵاوکردەوە و تیایدا هاتووە، ریاز جوندی کەعبی بەڕێوەبەری گشتی بڕیاریداوە، رۆژانی هەینی و شەممە کە دەکاتە 28 و 29ی ئەم مانگە لەگەڵ ١ی ٥ی ٢٠٢٣کە پشوی فەرمیە کارمەندانی بەڕێوبەرایەتی کاروباری پاسپۆرت لە بەغدای پایتەخت دەوام بکەن.
ئاماژەی بەوەشداوە، هۆکاری دەرکردنی بڕیارەکەش بۆئەوە
دەگەڕێتەوە فشاریكی زۆر دروستبووە بۆ دروستکردن و چاپکردنی پاسپۆرتی هاوڵاتییان لە
پارێزگا جیاجیاکانەوە کە داواکاری و مامەڵەکانیان نێردراوە بۆ بەغدا.
دەشڵێت، کاتی دەوامی ئەو رۆژە پشوانەش لەکاتژمێر
٨ی بەیانییەوە دەست پێدەکات و تا کاتژمێر ٨ی ئێوارە بەردەوام دەبێت.
لە راگەیەنراوەکەیدا، بەڕێوەبەرایەتی گشتی باری
شارستانی و پاسپۆرت و شوێنی نیشتەجێبون هاوڵاتیان ئاگاداردەکاتەوە لە هەریەک لە فەرمانگەکانی پاسپۆرتی رەسافە، کەرخ،
سەدر، مەحمودیە، سلێخ لەرۆژانی پشودا دەوامی فەرمی دەکەن.