نوسینگەی سەرۆکوەزیرانی عێراق رایگەیاند، محەمەد شیاع سودانی سەرۆکوەزیران بانگهێشتنامەیەکی فەرمی لە جێگری سەرۆکی ئیماڕات و فەرمانڕەوای دوبەی پێگەیشت بۆ بەشداریکردنی لە لوتکەی جیهانی بۆ کەشوهەوا.
نوسینگەی محەمەد شیاع سودانی سەرۆکوەزیرانی عێراق راگەیەنراوێکی بڵاوکردەوە و تیایدا هاتووە، کاربەڕێکەری باڵیۆزخانەی ئیماڕات لە عێراق بانگهێشتنامەکەی محەمەد بن راشد ئال مەکتوم جێگری سەرۆکی ئیمارات و فەرمانڕەوای دوبەی رادەستی محەمەد شیاع سودانی کردووە.
ئاماژه بهوهشكراوه، لە چوارچێوەی دیدارەکەدا،
سەرۆکوەزیرانی عێراق و کاربەڕێکەری باڵیۆزخانەی ئیماڕات لە عێراق پەیوەندییەکانی نێوان
ههردوو وڵات و پتەوکردن و پێشخستنی بەتایبەتی لە بوارەکانی ئابوری و وەبەرهێنان کە
بەشێکە لە کارنامەی حکومەتی عێراق، تاوتوێ کران.
لە کۆتایی راگەیەندراوەکەدا ئەوەشخراوەتەڕوو، ئەم
لووتکەیە کە وەک سەکۆیەکی جیهانییە و بەمەبەستی تاوتوێکردنی پرسی کەشوهەوا و پشتگیریکردنی
ئاراستەی گفتوگۆکانی نێوان وڵاتانی جیهان ساز دەکرێت، لەپێناو دۆزینەوەی چارەسەری
کاریگەر و دادپەروەرانە و یەکخستنی هەوڵەکان بۆ دانانی سنوورێک بۆ کاریگەریەکانی گۆڕانی
کەشوهەوا و بەهێزکردنی گەشەپێدانی ئابووری بەردەوام.
ئەمە لەکاتێکدایە، بڕیارە لە رۆژانی ١-٢ کانوونی
یەکەمی ٢٠٢٣ لوتکەی جیهانی بۆ کەشوهەوا لە دوبەی پایتەختی ئیماڕات بەڕێوەبچێت.