بەگوێرەی ساڵی دارایی ئێران، ئەو وڵاتە لەگەڵ ١٥ دەوڵەتدا ئاڵوگۆڕی بازرگانی ئەنجامداوە و عێراق لە پلەی یەکەمی ئەو وڵاتانەیە.
ئەمڕۆ شەممە، لیژنەی پەیوەندییە نێودەوڵەتییەکان و گەشەی بازرگانی ئێران رایگەیاند، ئێران لەگەڵ ١٥ دەوڵەتدا ئاڵوگۆڕی بازرگانی هەیە و لە ساڵی دارایی ئێراندا بڕی ٥٨ ملیار و ٨٤٣ ملیۆن دۆلار ئاڵوگۆڕ هەبووە.
ئاماژە بەوەشکراوە، عێراق لە ریزبەندی یەکەمی ئەو وڵاتانەیە کە زۆرترین رێژەی
ئاڵوگۆڕی بازرگانی لەگەڵ ئێراندا هەیە و لە دوای ئێران تورکیا و ئیمارات و
پاکساتان و ئەفغانستان دێن.
باس لەوەشکراوە، ساڵی رابردوو قەبارەی ئاڵوگۆڕی بازرگانی لە نێوان ئەو ١٥
وڵاتە ٩٦ ملیۆن ٧٦٧ هەزار دۆلار بووە و ١١٧ تەنیش لە کاڵا و شمەکیش لە ناو ئاڵوگۆڕەکەدا
بووە.
لەو بڕە ئاڵوگۆڕە بازرگانییە، ئێران بە بڕی ٣٠ ملیار دۆلار شتومەکی هەناردەکردووە
و بە بڕی ٢٨ ملیار دۆلاریش کاڵا و شتومەکی هاوردە کردووە.
ئەوەش لە کاتێکدایە، رۆژی ١ی ٤ی ٢٠٢٣ یەحیا ئیسحاق سەرۆکی ژووری بازرگانی
هاوبەشی ئێران و عێراق رایگەیاند، قەبارەی ئاڵوگۆڕی بازرگانی لەگەڵ عێراقدا نۆ ملیار
دۆلارەوە و هیواخوازن ئەو بڕە بۆ ٢٠ ملیار دۆلار بەرزبکرێتەوە.