جۆ بایدن: تەمەنی ٨٠ ساڵە و لە ئێستادا سەرۆکی ئەمریکایە و بڕیاریشیداوە لە هەفتەی داهاتووەوە دەست بە بانگەشەکانی بکات بۆ هەڵبژارد و شارەزایانیش پێیان وایە وادەی بایدن بۆ دەستپێکردنی بانگەشەکان گونجاو نییە.

دۆناڵد ترامپ: تەمەنی ٧٩ ساڵە و سەرۆکی پێشووی ئەمریکایە و لە ساڵی رابردووە دەستی بە بانگەشەی هەڵبژاردنەکان کردووە، بەڵام بەپێی وتەی شارەزایان باشترین کاندیدە لەنێو کۆمارییەکان و سەرەڕای هەموو ئەو رەخنانەی بەهۆی بیر و باوەڕەکانیانییەوە رووبەڕووی دەبێتەوە بەردەوامە لە وەڵامدانەوەی رەخنەگرانی.

رۆن دیسانتێس: تەمەنی ٤٤ ساڵە و لە زۆربەی راپرسییەکاندا لە ریزبەندی دووەمدایە لە دوای دۆنالد ترەمپ، هەموارکردنەوەی یاسای سنووردارکردنی لەباربردنی منداڵ و هەڵگرتنی چەک لە نێو بەلێنەکانی دیسانتێسادایە و دەکرێت پشتیوانییەکی باشی بۆ دروست بکات.

نیکی هایلی: تەمەن ٥١ ساڵ پارێزگاری پێشووی ویلایەتی ساوس کارۆلینایە و باڵیۆزی ئەمریکایە لە نەتەوە یەکگرتووەکان تەمەنە بچووکەکەی بەراورد بە ترەمپ و بایدن جیاوازی لەبەرچاو خەڵکی دروستکردووە و بە رەگەز هیندییە و دایک و باوکی خەڵکی هیندستانن.

تیم سکۆت: تەمەنی ٥٧ ساڵە و تاکە سیناتۆری رەشپێستی پارتی کۆمارییەکانی ئەمریکایە سەرنجەکانی بۆ یەکخستنەوەی پارتی کۆمارییەکان دەکرێت هەلێکی باشی بێببات و میانڕەویی ئەم کەسە بووە تە هۆی بەراوردکردنی بە ترەمپ.

ئاسا هاچینسن: تەمەنی ٧٢ ساڵە پارێزگاری پێسووی ویلایەتی ئارکەنساسە و لە مانگی نیاسانی ئەمساڵ کاندیدبوونی خۆی بۆ پۆستی سەرۆکایەتی ئەمریکا راگەیاند و داوای لە ترەمپ کرد بەشداری هەڵبژاردنەکان نەکات بەهۆی ئەو تۆمەتانەی ئاڕاستەی کراون.

مایک پێنس: تەمەنی ٦٣ ساڵە و جێگری سەرۆکی ئەمریکا بووە لە ئیدارەی ترەمپ و لە دوای هێرشی لایەنگرانی ترەمپ بۆ سەر باڵەخانەی کۆنگرێسی ئەمریکی لە ساڵی ٢٠٢١ ناکۆکی لە نێوان مایک و ترەمپ دروستبووە.

کرێس کریستی: تەمەنی ٦٠ ساڵە و پارێزگاری پێشووی ویلایەتی نیو جێرسییە و پێشتر لایەنگری تارامپ بووە.

کرێس سونونو: تەمەنی ٤٨ ساڵە و تا ئێستا کۆتا بڕیاری لە بارەی بەشداریکردن لە هەڵبژاردنی پۆستی سەرۆکایەتی نەداوە.

ڤیڤێک راماسوامی: لە مانگی شوباتی ئەمساڵ کاندیبوونی خۆی بۆ پۆستی سەرۆکایەتی ئەمریکا راگەیاند و سەرنجی خەڵکی راکێشاوە کە تاکە کاندیدە لە دەرەوەی قەوارەی سیاسی بێت.

رۆبێرت کێنەدی جونیەر: تەمەنی ٦٩ ساڵە و یەکێکە لە رکابەراکانی بایدن و کوڕەزای رۆبێرت ئێف کێنەدی سیناتۆری پێشووی ئەمریکییە کە لە ساڵی ١٩٦٨ لە کاتی هەڵبژاردنەکان کوژرا.

ماریا ویلیامسن: نووسەر و شارەزایەکی بواری هاوکاری خودییە و دووەم جارە بەشداری لە هەڵبژاردنەکانی ئەمریکا دەکات و لە ساڵی ٢٠٢٠ لە پارتی دیموکراتییەکانەوە خۆی کاندید کرد بۆ هەڵبژاردنەکانی ساڵی ٢٠٢٠ بەڵام پێش جیاکردنەوەی دەنگەکان کشایەوە.

بڕیارە لە ٥ـی تشرینی دووەمی ٢٠٢٤ هەڵبژاردنەکانی ئەمریکا بەڕێوەبچێت.