PM:05:29:17/04/2023
44536 جار خوێندراوەتەوە
ئەمڕۆ لە کاتی داخستنی بازاڕی دراودا بەهای ١٠٠ دۆلار بە ١٤٤ هەزار و ٥٠٠ دینار مامەڵەی پێوەکرا و بەوەش بەراورد بە کاتی کردنەوەی نرخەکەی بەرزبووەوە.
ئەمڕۆ دووشەممە، بەهای ١٠٠ دۆلاری ئەمریکی بە ١٤٤ هەزار و ٥٠٠ دینار مامەڵەی پێوەکرا لە کاتێکدا لە کاتی کردنەوەی بازاڕدا ١٠٠ دۆلار بە ١٤٤ هەزار و ١٠٠ دینار مامەڵەی پێوە دەکرا.
هاوکات ئەمڕۆ بانکی ناوەندی عێراق ١٢٧ ملیۆن و ٨٥ هەزار
و ٥٧٠ دۆلاری خستە بازاڕەوە و بڕی فرۆشتن بە شێوەی حەواڵە ٨١ ملیۆن و ٧٨٥ هەزار و
٥٧٠ دۆلار بووە و ٤٥ ملیۆن و ٣٠٠ هەزار دۆلاریش بە شێوەی نەختینەی فرۆشراوە و بەوەش
دوو رۆژە بانکی ناوەندی عێراق فرۆشی دۆلاری کەمکردووەتەوە.
ئەوەش لە کاتێکدایە، ماوەی زیاتر لە دوو هەفتەیە بەهای دۆلار
بە شێوەیەکی بەرچاو دابەزینی بەخۆیەوە بینیوە و لە ١٥٧ هەزار دینارەوە بۆ خوار ١٤٥
هەزار دینار دابەزیوە و چاوەڕوان دەکرێت دوای تێپەڕاندنی پڕۆژە یاسای بودجە بەهای
دۆلار دابەزێت بۆسەر نرخی فەرمی دیاریکراوی بانکی ناوەندی کە ١٣٠ هەزار دینارە.
