وتەبێژی وەزارەتی دەرەوەی عێراق رایگەیاند، لە رێگەی باڵیۆزخانەی عێراقەوە ئاگاداری دۆخی هاوڵاتییانن لە سودان و داوا لە لایەنە سیاسییەکانی ئەو وڵاتە دەکەن زمانی گفتگۆ بۆ چارەسەرکردنی کێشەکان بەکاربهێنن. دەشڵێت، "داوا لە رەوەندی عێراقی دەکەین پابەندی رێنماییەکانی کاربەدەستانبن".
ئەحمەد سەحاف وتەبێژی وەزارەتی دەرەوەی عێراق راگەیەنراوێکی بڵاوکردەوە و تێیدا هاتووە، لە رێگەی باڵیۆزخانەی عێراق لە خەرتوم ئاگاداری دۆخی هاوڵاتییانی عێراقن لە سودان لە کاتێکدا پشێوی لەو وڵاتە دروستبووە.
ئاماژەی بەوەشدا، وەزارەتی
دەرەوەی عێراق داوا لە هاوڵاتییان دەکات ئاگادار و هۆشدار بن و لەو ناوچانە دووربکەونەوە
لە نیگەرانییان لەسەر هەیە و پابەندبن بە رێنماییەکانی کاربەدەستانی سودانەوە.
ئەوەشی خستەڕوو، داوا لە
لایەنە سیاسیەکانی سودان دەکەن زمانی گفتگۆ بەکاربهێنن و دووربکەونەوە لە پشێوی و
سەلامەتی و ئاشتی ناوخۆیی لە پێناو بەرژەوەندی خەڵکی سودان بپارێزین.
ئەمەش لە دوای ئەوە دێت، لە
بەرەبەیانی ئەمڕۆ شەممە، ململانێکی چەکداری لە نێوان سوپای سودان و هێزەکانی پشتیوانی
خێرا لە خەرتومی پایتەخت و چەند ناوچەیەکی دیکەی ئەو وڵاتە دروستبوو.