بانكی ناوەندی عێراقی رایگەیاند، پێویستە هەموو دابینكەرانی كاڵا و خزمەتگوزاریەكانی ناو عێراق پابەند بن بە نرخی فەرمی ئاڵوگۆڕ و بەكارهێنانی دیناری عێراقی. دەشڵێت، ئەوانەی پابەند نەبن لێپرسینەوەیان لێ دەکرێت.
بانکی ناوەندی لە ڕاگەیەندراوێکدا ئاماژەی بەوەشکردووە، بانكی ناوەندی سێ گشتاندنی بڵاوكردەوە كە كۆمپانیاكانی نیشتەجێبوون بە نرخی فەرمی دۆلار و نرخی دیناری عێراقی پابەند دەكات.
ئەوەش لەسەر بنەمای بڕیارەكەی ئەنجومەنی وەزیران كە تیایدا
هەموو دەزگا حكومییەكان و كەرتی تایبەت پابەند دەكات كە نرخی بەرهەمەكانیان بە دیناری
عێراقی بدەن و دراوی ناوخۆیی بە نرخی ئاڵوگۆڕی فەرمی وەربگرن.
ئاماژەی بەوەشکردووە، بانكی ناوەندی لیستێكی كۆمەڵگاكانی
نیشتەجێبوون و پێشێلكاری كۆمپانیاكانی تۆماركردووە، لەوانە كۆمپانیاكانی ئۆتۆمبێل
كە پابەند نین بە نرخی ئاڵوگۆڕەوە، ئەمەش پێشێلكردنی بڕیارەكانی ئەنجومەنی وەزیرانە
و لێپرسینەوەیان لێدەکرێت.
دەشڵێت، دەبێت کۆمپانیاکانی نیشتەجێبوونیش بە دینار مامەڵە
بکەن و هەر ١٠٠ دۆلارێکیش بە ١٣٢هەزار دینار بێت.