لە رەشنووسى بودجەى عێراقدا، ٧٣٠ هەزار کورسى و هەلى دامەزراندن بۆ ناوچە جیاوازەکانى عێراق دیاریکراوە .
وەک ئەوەى کە لە رەشنووسى بودجەى عێراقدا هاتووە کە ئێستا لاى لیژنەى داراییە، ئەو کەسانەی ئەمساڵ وەکو فەرمانبەری هەمیشەیی حکومەت دادەمەزرێن ژمارەیان ٧٢٩ هەزار و ٦٠٨ کەسە.
ئەو ژمارەیە پێکدێن
لەو کەسانەى کە پێشتر لەسەر کار لادراوان، یان گرێبەستیان هەڵوەشێنراوەتەوە، لەگەڵ
هەڵگرانی بڕوانامەی باڵا، یەکەمەکانی زانکۆ و پەیمانگەکان، فەرمانبەرە گرێبەستەکان.
لە رەشنووسی
بودجەی عێراقدا، ژمارەی فەرمانبەران چوار ملیۆن و ٩٦ هەزار و ٨٠١ کەسە و بڕی زیاتر
لە ٥٩ تریلیۆن و ٦٤٩ ملیار دیناریان بۆ تەرخانکراوە کە رێژەی ٧٥٪ـی بودجەی بەکاربردن
پێکدەهێنێت.
رەشنووسی بودجەی
عێراق، زیاتر لە ١٩٩ تریلیۆن دینارە و بۆ ماوەى سێ ساڵە، لە پەرلەمان خوێندنەوەى یەکەمى
بۆ کراوە و چاوەڕوان دەکرێت دواى جەژن خوێندنەوەى دووەمى بۆ بکرێت و پەسەند بکرێت،
پشکى هەرێمیش لە بودجەکەدا زیاتر لە ١٦ ترلیۆن دینارە.