PM:03:55:08/04/2023
2376 جار خوێندراوەتەوە
سەرۆکی تایوان رایگەیاند، ماوەی سێ ڕۆژە چین دەستیکردووەتەوە بە مانۆڕە سەربازیەکانی، وەزارەتی بەرگری تایوانیش دەڵێت، لە گەرووی تایوان هەشت کەشتی و ٤٢ فڕۆکەی جەنگەی بەکارهاتوون.
سەرۆکی تایوان رایگەیاند، لە ساڵانی رابردوودا رووبەڕووی فراوانخوازی تاکڕەوی بەردەوام بوونەتەوە، وتیشی، بەردەوام دەبن لە کارکردن لەگەڵ ئەمریکا و وڵاتانی دیکەی هاوبیر بۆ ئەوەی بە هاوبەشی بەرگری لە بەهاکانی ئازادی و دیموکراسی بکەن.
هاوکات، وەزارەتی بەرگری تایوانیش لە راگەیاندراوێکدا بڵاویکردەوە،
لە گەرووی تایوان چین بۆ ماوەی سێ رۆژ مانۆڕی سەربازی راگەیاندووە، دەشڵێت، لە مانۆڕەکەدا
هەشت کەشتی جەنگی و ٤٢ فڕۆکەی جەنگی بەکارهاتوون.
دەستپێکی مانۆڕە سەربازیەکانی چین لە دوای رۆژێک لە گەڕانەوەی
سەرۆکی تایوان دێت لە سەردانەکەی بۆ ئەمریکا و کۆبوونەوەی لەگەڵ سەرۆکی ئەنجومەنی
نوێنەرانی ئەمریکا.
