پارێزەرەکەی ترەمپ دەڵێت، "لەوانەیە دۆناڵد تڕەمپ لە دوای ئەنجامدانی چەند رێکارێک لە دادگا وتەی بۆ میدیاکان هەبێت و لە ئێستادا دەستگیرکراوە."

لە ساتی دەستگیرکردنی دۆناڵد تڕەمپ بە میدیاکانی وڵاتەکەی راگەیاند، "باوەڕ ناکەم شتێکی ئاوا لە ئەمریکادا روودەدات، بەڵام عیسای مەسیحیش رووبەڕووی ستەم بووەتەوە."
ئاماژەی بەوەشدا، پارێزگاریکردن لە خۆی لە دادگا، نابێتە پێشەنگی کارەکانی و چەندین کاری دیکەی هەیە تاوەکو سەرقاڵی بێت.
 کاتێک بۆ یەکەمین جار کەسێک لە ئەمریکا تۆمەتبار دەکرێت چەند رێکارێک بەرامبەری ئەنجام دەدرێت وەک وێنەگرتن و وەرگرتنی پەنجەمۆر، بەڵام دۆناڵد تڕەمپ وێنەی نەگیرا بەوپێیەی کەسێکی ناودارە لە ئەمریکا و جیهان و بە مەبەستی خوێندنەوەی ئەو تۆمەتانەی ئاڕاستەی کراوە دۆناڵد تڕەمپ رەوانەی دادگای مانهاتن دەکرێت.

رۆژنامەی دەیلی مەیلی بەریتانی بڵاویکردەوە، لە کاتی دادگایی کردنی لە بەردەم دادوەردا دۆناڵد تڕەمپ کەلەپچە ناکرێت، چونکە ئەو کەسایەتییەکی دیار و کاریگەرە.

لەو بارەیەوە کۆشکی سپی رایگەیاند، دادگایی کردنی تڕەمپ نابێتە ئاستەنگ بۆ جۆ بایدنی سەرۆکی ئێستای ئەمریکا و خۆیان ئامادەکردووە بۆ پاراستنی ئاسایشی ئەمریکا لە ئەگەری خۆپیشاندان و دەربڕینی ناڕەزایی لەلایەن لایەنگرانی ترەمپەوە.

هاوکات، دۆناڵد تڕەمپ جونیەر کوڕی دۆناڵد تڕەمپ لە هەژماری ئینستاگرامی تایبەتی خۆی وێنەی ئاڵای ئەمریکای بە هەڵگەراوەیی بڵاوکردووەتەوە و دەڵێت، "دەستگیکردنی باوکم دەستپێکی خلیساکەنە بەرەو هەڵدێرێکی سەخت."