هاوپەیمانی نێودەوڵەتی بۆ شەڕی دژی داعش کاروانێکی دیکەی هاوکاری سەربازی پێشکەشی پێشمەرگە کرد و رایگەیاند، بەردەوام دەبن لە هاوکاریکردنی پێشمەرگە و کاری هاوبەش.
هۆشمەند حەیدەر جێگری سەرۆکی سوپاسالاری پێشمەرگە لە لێدوانێکی رۆژنامەنوسیدا رایگەیاند، هاوکارییەکان پێکهاتووە لە ژمارەیەک هامەری دژە گولە و باهەڵگر و شۆفڵ و حەفارە و تەنکەری سوتەمەنی و تەنکەری ئاو و بارهەڵگری رزگارکەر.
شاندی هاوپەیمانان لەبارەی هاوکارییەکانەوە ئەوەیان خستەڕوو،
ئەو هاوکارییانە هەنگاوێکی گرنگە بۆ بەرزکردنەوەی توانای سەربازی و شەڕکردنی پێشمەرگە
بەردەوامیش دەبن لە هاوکاری لۆجیستی بۆ پێشمەرگە.
هەردوولاش باسیان لەوەکرد، ئامانجی هەردوو هێزی هاوپەیمانان
و پێشمەرگە تێکشکاندن و نەهێشتنی داعشە لە ناوچەکە، بەردەوامیش پێکەوە هەوڵدەدەن بۆ
ئەو ئامانجە.
هاوکات، وەین مەرۆتۆ وتەبێژی هاوپەیمانی نێودەوڵەتی دژی
داعش لە تویتێکدا ئاماژەی بەوەدا، پابەند دەبن بە بەردەوامی هاوکاریەکانیان بۆ پێشمەرگە
و هاوبەشەکانیان لەئێستا و لەداهاتووشدا بەمەبەستی دڵنیابوونەوە لەوەی هیچ هەڕەشەیەکی
داعش لە ناوچەکە سەرهەڵناداتەوە.
پێشتریش هاوپەیمان چەند کاروانێکى هاوکارى سەربازى و لۆجستییان
پێشکەش بە پێشمەرگە کردووە و لەساڵى ٢٠١٧ەشەوە مانگانە زیاتر لە ٢٠ ملیۆن دۆلار وەک
موچە دەدەن بەو لیوا هاوبەشانەى خراونەتە سەر وەزارەتى پێشمەرگە و داواش دەکەن
تەواوی هێزەکانی پێشمەرگە یەکبخرێتەوە تا هاوکارییەکانیان تەواوی هێزەکانی
پێشمەرگە بگرێتەوە.