کەیسەکەی گۆڤەند تا دێت وردەکاری زیاتر بەدوای خۆیدا دەهێنێت و تائێستا چەندین کەس بە تۆمەتی بڵاوکردنەوەی ڤیدۆیی سوکایەتی و پەشیمانبوونەوەی گەنجەکان لە هەرێم دەستگیرکراون.
بەپێی سۆراغێکی ئێن ئاڕ تی زۆربەی تۆمەتبارەکانی کەیسەکە لە هەرێمن و تا ئێستا حەوت کەسیش دەستگیرکراون کە هەستاون بە بڵاوکردنەوەی ڤیدیۆی گەنجەکان و هەڕەشەیان لێکردون بۆ وەرگرتنی پارە و تۆمارکردنی ڤیدیۆی تایبەتی.
بەپێی زانیارییەکان
گۆڤەند تەنها کەسێک نییە بەڵکو لەژێر ئەم ناوەدا چەند کەسێک هاوشێوەی باندێک کاریان
کردووە و تا ئێستا زیاتر لە ٢٠ کوڕ و کچی گەنج لە تۆڕی کۆمەڵایەتی کڵەب هاوس کەوتونەتە
داویان.
باندەکە تا ئێستا
جگە لە بڵاوکردنەوەی وێنە و ڤیدیۆ هەزاران دۆلاریان لە کچان و ئافرەتان سەندووە، ئەو
زانیارییانەش ناراستن کە گوایە تا ئێستا چەند کچێک بەهۆی ڤیدیۆکانەوە خۆیان کوشتبێت.
وەزارەتی ناوخۆ
و دەزگا ئەمنییەکان بەبیانوی هەستیاریی دۆسیەکە و بەردەوامیی لێکۆڵینەوەکان، هیچ
زانیارییەک ناخاتەڕوو، بەڵام بەپێی زانیاریییەکان تا ئێستا حەوت کەس وەکو تۆمەتبار
لەسەر دۆسییەکە دەستگیرکراون و سەرەداوەکان دەڵێن، دوو کەس سەرپەرشتی کارەکانیان
کردبێت کە یەکێکیان گومان دەکرێت لە دەرەوەی وڵات بێت و هەوڵەکانیش بۆ دەستگیرکردنیان
بەردەوامە.
هەفتەیەکە بڵاوبوونەوەی
گرتەی ڤیدیۆیی چەند کچ و کوڕێکی گەنج تۆڕە کۆمەڵایەتیەکانی هەژاندووە کە تییادا جگە
لە سوکایەتیکردن بە خۆیان پەشیمانیش دەردەبڕن، دواتریش ئاشکرابوو کە لە تۆڕە کۆمەڵایەتیەکان
باندێک فریوی داون و گرتەی ڤیدۆیی گرتوون و هەڕەشەی وەرگرتنی پارەی لیکردون و ڤیدۆکانیشی
بڵاوکردونەتەوە.