بەڕێوەبەرایەتی کارەساتە سروشتییەکانی تورکیا رایگەیاند، ئەمڕۆ بومەلەرزەیەک بە گوڕی ٥.٧ پلەی رێختەر ناوچەی ماڵتی تورکیای هەژاندووە و بەهۆیەوە کەسێک گیانیەدەستداوە و ٢٢ باڵەخانەش روخاون.
بەڕێوەبەرایەتی کارەساتە سروشتییەکانی تورکیا ئاماژەی بەوەشدا، بەهۆی بومەلەرزەکەوە نزیکەی ٦٩ کەس بریندار بوون.
هاوکات، سەنتەری ئەوروپی بۆ
بومەلەرزە رایگەیاند، گوڕی بومەلەرزەکە لە نێوان ٥.٢ بۆ ٥.٧ پلە بووە و قوڵییەکەی پێنج کیلۆمەتر بووە.
لە ماوەکانی پێشوتریشدا
١٨٤ کەس لە تورکیا بە تۆمەتی بەرپرسیاربوون لەرووخانی بالەخانەکان بەهۆی بومەلەرزەوە
دەسگیرکران و رەجەب تەیب ئەردۆغان سەرۆکی تورکیا باسی لەوەکرد، سەرجەم باڵەخانەکان
بەشێوەیەکی توندوتۆڵ و بەپێی مەرجەکانی سەلامەتی دروستدەکەنەوە.
٦ـی شوباتی ئەمساڵ بومەلەرزەیەک بە گوڕی٧.٨ پلە
ناوچە سنوورییەکانی نێوان باکور و رۆژئاوای کوردستان و تورکیا و سوریای هەژاند و بەهۆیەوە
ژمارەی گیانلەدەستدانەکان ٥٠ هەزاری تێپەڕاند و بە سەدان هەزار کەسیش بریندار
بوون.