PM:10:02:03/09/2021
11084 جار خوێندراوەتەوە
وەزارەتی خوێندنی باڵا و توێژینەوەی زانستی عێراقی کرێی خوێنی بەرێژەی ٢٥٪ کەمکردەوە و زانکۆ ناحکومیەکانی سەرپشکی کردوون بە پێدانی خوێندنی بێ بەرامبەر بە هەرکەسێك دەیانەوێت.
یاسین عیساوی، بریکاری وەزارەتی خوێندنی باڵا و توێژینەوەی عێراق رایگەیاند، وەزارەتەکەی بەرپرسیارە لە بەخشندەیی زانست و وەرگرتنی خوێندکاران، بەڵام کرێی خوێندن دیاریکراوە و کەمکراوەتەوە و زانکۆ ناحکومەیەکان ناچار بە جێبەجێکردنی ئەو بڕیارە ناکات و گوشاری زیاتریان ناخاتەسەر.
ئاماژەی بەوەشداوە، بەشێك
لە زانکۆ ناحکومیەکان کرێی خوێندن یان نیوەی لە خوێندکارە کەمدەرامەتەکان وەردەگرێت.
ئەوەشی خستوەتەڕوو، وەزارەت هیواخوازە هەماهەنگی زیاتر
لەگەڵ زانکۆ ناحکومیەکان و خوێندنی باڵادا هەبێت بەتایبەت لە بابەتی پێگەیاندنی
خوێندکار و ئەو خێزانانەی بە دۆخی ئابوری خراپدا تێدەپەڕن.
ئەمە لەکاتێکدایە، پێشتر نەبیل کازم عەبدولساحێب، وەزیری
خوێندنی باڵای عێراق بە نوسراوێك داوای لە سەرۆکی زانکۆ و کۆلێژە ناحکومەیەکان
کردووە رێگە بە خوێندکاران بدرێت بەشداری تاقیکردنەوەکان بکەن لە کاتێکدا کە نەیانتوانی
کرێیەکە بدەن.