بەهۆی نەبوونی خزمەتگوزارییە سەرەتاییەکانی وەک ئاو و کارەبا، بەشێک لە هاوڵاتییانی گەڕەکی هەشت هەزاری فەرمانبەران گردبوونەوە.
هاوڵاتیانی دانیشتوانی گەڕەکی هەشت هەزار داوای گەڕاندنەوەی کارەبا و خزمەتگوزارییەکانی دیکە دەکەن و دەڵێن تەنها گرفتی کارەبایان نییە بەڵکو گرفتی ئاو و رێگەوبان و پرد و کارەبایان هەیە.
ئاماژەیان بەوەشدا، ئەوان گرفتی نەوتیان هەیە، هیچ کەس بەدەمیانەوە نەهاتووە،
چونکە گەڕەکێكی هەژار نشینە.
هاوڵاتییەک بۆ ئێن ئاڕ تی باسی لەوەکرد، "سەردانی لایەنی پەیوەندیدارمان
کردووە و دەستی دەستیمان پێدەکەن و دڵنیاییان پێنەداوین، کێشەی قیرتاوی گەڕەکەکانمان
هەیە و بەنیوەناچڵی بەجێهێڵدراوە".
هاوڵاتییان داوادەکەن محاویلەی گەڕەکەکەیان بگۆڕدرێت، چونکە تەزوویەکی کەم
دەگوازێتەوە و بەشی تەواوی هاوبەشەکان ناکات و جۆزەکانی دێنەخوارەوە.
هەروەها، بەرپرسێکی کارەبای هەولێریش لە رێگەی تەلەفۆنەوە رایگەیاند، بەهۆی
سەرپێچی و بەستنی نایاسایی محاویلەکە بەشی ئەو فشارە زۆرانە ناکات کە دەکەوێتەسەری.
وتیشی، سبەینێ محاویلەیەکی نوێ بۆ
گەڕەکەکە دادەنرێت.
ئەمە لەکاتێکدایە، زیتر لە سی ساڵە پارتی و یەکێتی لە کابینە یەک بەدوایەکەکاندا
نەیانتوانیوە کێشەی کەمی کارەبا و کەمئاوی و کێشەی دروستبوونی لافاو و نەبوونی
خزمەتگوزارییە سەرەتاییەکان بۆ هاوڵاتییانی هەرێم دابینبکەن.
رزگار کۆچەر - هەولێر