بەگوێرەی ساڵنامەی وەزارەری پەروەردەی حکومەتی ماوەبەسەرچووی هەرێم لە رۆژی ٢٥ی ١٢ی ٢٠٢٢ەوە پشوی وەرزی یەکەم دەستپێکدەکات و لە ٢ی ١ی ٢٠٢٣ خوێندنی وەرزی دووەم دەستپێدەکات، بەمەش شەش رۆژی کۆتایی ئەمانگە پشوو دەبێت.
هەربەگوێرەی ساڵنامەی راگەیەنراوی وەزارەتی پەرەروەردە رۆژی ١ی ١ی ٢٠٢٣ بەهۆی هاتنی ساڵی نوێوە پشووی فەرمییە و بەمەش مانگی کانوونی دووەمی ساڵی داهاتوو یەک رۆژی پشوو دەبێت.
لە رێکەوتی ٢٨ی ٨ی ٢٠٢٢ وەزارەتی پەروەردەی هەرێم ساڵنامەی خویندنی بۆ ساڵی
٢٠٢٢ – ٢٠٢٣ بڵاوکردەوە.
بەگوێرەی ساڵنامەکە تاقیکردنەوەکانی کۆتایی وەرزی یەکەم لەسەرجەم قۆناغەکانی
خوێندنی بنەڕەتی و ئامادەیی لە ١٤ی ١٢ی ٢٠٢٢ دەستپێدەکات و لە ٢٤ی ١٢ی ٢٠٢٢ کۆتاییان
دێت و راستەوخۆش لە رۆژی ٢٥ی ١٢ی ٢٠٢٢ پشووی وەرزی یەکەم دەستپێدەکات کە حەوت رۆژە.
هەر بەگوێرەی ساڵنامەی خوێندنی وەزارەتی پەروەردە خوێندن لە کۆرسی دووەم سێزدە هەفتە دەبێت و لە رێکەوتی ٢٩ی ٤ی ٢٠٢٣ تایکردنەوەی
کۆتایی وەرزی دووەم بۆ پۆلە ناکۆتاکان و تاقیکردنەوەی نیشتیمانی پۆلی ٩ی بنەڕەتی
خولی یەکەم دەستپێدەکات.