دەشڵێت، لێکۆڵەران کۆبوونەتەوە و سەرجەم فەرموودەکانی پەیامبەری ئیسلامیان لەو بارەوە پشکنینەوە هیچ بەڵگەیەکیان نەدۆزیوەتەوە باس لە دیاردەکەیەکی لەو جۆرە بکات.

ئەمە لەکاتێکدایە، پێشتر وەزارەتی کشتوکاڵی ئوردون رایگەیاند، هۆکاری دیاردەکە ئەوەیە ئاژەڵە دایکەکان لە چاوەڕوانی پێچووەکانیاندا وادەکەن کە لەگەڵ رانی دیکەدا تێکەڵبوون، هەرکات گەڕانەوە ئەوانیش واز لەو جۆرە سوڕانەوەیە دەهێنن.

ئەوەشی خستووەتەڕوو، ئەو جۆرە دیاردەیە تەنها رەفتارێکی دایکانەیە ئاژەڵەکان ئەنجامی دەدەن لەگەڵ بێچووە تازەکانیاندا.

ئەمە لەکاتێکدایە، لەماوەی رابردوودا لە یەکێک لە کێڵگەکانی چین رانە مەڕێک بەشێوەی بانزەیی بەبێ ئەوەی هۆکارەکەی بزانرێت بۆ ماوەی ١٢ رۆژ سوڕانەوە.

لەلای خۆیەوە ژنێک بەناوی "میاو" کە خاوەنی کێڵگەکەیە وتی، لە سەرەتادا چەند مەڕێك دەستیان بەم رەفتارە کرد دواتر مەڕەکانی دیکە لەگەڵیاندا بە هەمان شێوە بەردەوام بن، وەك دەبینین دەیان مەڕ لە بازنەیەکدا دەسوڕێنەوە.

تاوەکو ئێستاش نازانرێت هۆکاری ئەو رەفتارەی مەڕوماڵاتەکە چیە، لە کاتێکدا لە کێڵگەکەدا ٣٤ بەشی جیاواز بۆ مەڕوماڵاتەکان هەن، مەڕەکانی یەك بەش بەم جۆرە دەجوڵێن.

هەروەها، دیاردەیەکی هاوشێوە لە پارێزگای کرک لە باشوری ئوردون تۆمارکرا و ئەمەش بووە هۆی نیگەرانی بەشێک لە هاوڵاتییانی ئەو وڵاتە بەوەی دەنگۆی ئەوە بڵاوکرایەوە لە دیاردەکە ئاماژەیە بۆ کۆتایهاتنی دینا و هاتنی رۆژی دوایی.