سەرۆکی ئەمریکا رایگەیاند، ئەگەر سەرۆکی روسیا بەدوای ئامرازێکدا دەگەڕێت بۆ کۆتایهاتنی جەنگی ئۆکرانیا ئامادەیە لەگەڵیدا کۆببتەوە و دەشڵێت، "پوتین لە جەنگەکەی دژی ئۆکرانیا سەرناکەوێت".
جۆ بایدن سەرۆکی ئەمریکا لەگەڵ ئیمانوێل ماکرۆن سەرۆکی فەڕەنسا کۆبووەیەوە و رایگەیاند، ئەگەر ڤلادیمیر پوتین سەرۆکی روسیا بەدوای ئامڕازێکدا بگەڕێت بۆ کۆتایهاتنی جەنگ ئامادەیە گفتووگۆی لەگەڵدا بکات.
باسی لەوەشکرد، پوتین پێی وایە بە هێرشکردنە سەر ژێرخانی مەدەنی ئۆکرانیا
و دوستکردنی قەیرانی وزە لە ئەوروپا و
دروستکردنی قەیرانی خۆراک لە جیهان دەتوانێت وابکات هەموو جیهان پاڵپشتی ویستەکانی
بکەن بەڵام ئەو کارانەی زیان بە هاوڵاتی و خەڵکی بێتاوان لە هەموو جیهان دەگەیەنێت.
ئەوەشی خستەڕوو، پوتین سەرکەوتوو نابێت لە جەنگەکەی لە دژی ئۆکرانیا و ئەمریکا
و فەڕەنسا بەردەوام دەبن لە پەڵپشتیکردنی ئۆکرانیا لە دژی روسیا.
ئەمەش لە کاتێکدایە، پاش جەنگی روسیا و ئۆکرانیا و هەڵوێستەکانی ئەمریکا لە
پەڵپشتیکردنی ئۆکرانیا پەیوەندییەکانی روسیا و ئەمریکا گرژی تێکەوت و ئەو دوو وڵاتە
کۆمەڵێک سزایان بەسەر یەکدا سەپاند.