وەزارەتی دەرەوەی کوەیت رایگەیاند، سێ کەشتی عێراقی سنووری ئاوی نیوان کوەیت و عێراقیان بەزاندووە و دەشڵێت، "پێویستە عێراق رێز لە سەروەرییەکانی وڵاتەکەیان بگرێت."
ئەمڕۆ هەینی، وەزارەتی دەرەوەی کوەیت لە رێگەی تاریق فەرەج باڵیۆزی وڵاتەکەی لە عێراق پەیامێکی تودنی لەبارەی پێشێلکردنی سنورە ئاوییەکانییەوە دایە عێراق و داوای لێکرد رێز لە سەروەرییەکانی ئەو وڵاتە بگرێت.
لە پەیامەکەدا کوەیت ئاماژەی بەوەداوە سێ
کەشتی عێراق سنووری نێوان کوەیت و عێراقیان بەزاندووە و پێویستە عێراق پابەندبێت
بە سەروەرییەکانی کوەیتەوە تاوەکو پەیوەندی برایانەی هەردوو وڵات بەردەوام بێت.
ئەوەشی خستووەتەڕوو، کوەیت بەپێی ریککەوتنی
خور عەبدوڵا بە نێوەندگیری ئەمریکا، لەگەڵ عێراق مامەڵەیەکی ئاشتییانە و برایانە لەگەڵ
ئەو وڵاتەدا دەکات.
ئاماژە بەوەشکراوە، تاریق فەرەج باڵیۆزی کوەیت لە عێراق، یاداشتەکەی رادەستی
بەڕێوەبەری بەشی عەرەبی لە وەزارەتی دەرەوەی عێراق، ئوسامە ریفای کردووە.
عێراق و کوەیت رووبەری ٢٥٤ کیلۆمەتر سنووری
هاوبەشیان هەیە و بەشێکی دەکەوێتە سەر کەنداوی عەرەبی و سنورێکی ئاویی هاوبەشە لە
نێوان ئێران و عێراق و کوەیت و سعودیە، قەتەر و هەردوو وڵاتی عێراق و کوەیت
دەکەونە سەربەشی باکووری کەنداوەکە.