PM:12:17:27/08/2021
5212 جار خوێندراوەتەوە
چاوگێکی ئەمنی لە بەغدا رایگەیاند، لە ئەنجامی تەقینەوەی بتڵێکی غاز بە یەکێک لە کاروانانی ئەنجامدەرانی رێوڕەسمی عاشورادا لە خۆرئاوای بەغدا سێ کەس گیانیان لەدەستدا و چوار کەسیش برینداربوون.
ئەمڕۆ هەینی، چاوگێکی ئەمنی عێراق رایگەیاند، لە ئەنجامی تەقینەوەی بتڵێکی غاز لەناو خێوەتگەی ئەنجامدەرانی رێورەسمی عاشورا لە ناوچەی حەیی جیهاد لە خۆرئاوای بەغدا سێ کەس گیانیان لەدەستدا و چوار کەسیش برینداربوون.
چاوگەکە ئاماژەی بەوەشدا، کوژراوەکان دوو برا و کەسێکی دیکەبووە
کە خاڵۆزایان بووە.
ئەمەش لەکاتێکدایە، ساڵانە موسوڵمانانی شیعە مەزهەب لە
١٠ی موحەڕەم و رۆژانی دوایی هەموو ساڵێکدا رێوڕەسمی تایبەت بە ساڵیادی کوشتنی حسێن
کوڕی عەلی سازدەکەن.
ئومێد محەمەد،
بەغدا
