بەپێی دوایین ئامارەکان، لە تەقینەوەکانی کابوڵدا ٩٠ هاوڵاتی و ١٣ سەربازی ئەمریکا و ٢٨ چەکداری تاڵیبان کوژراون و سەرۆکی ئەمریکاش دەڵێت، ئەگەر پێویست بکات هێزی زیاتر رەوانەی فڕۆکەخانەی کابوڵ دەکەن.
ئێوارەی دوێنێ چەند تەقینەوەیەک لە فڕۆکەخانەی کابوڵ روویاندا و بەهۆیانەوە ٩٠ هاوڵاتی ئەفغانی و ١٣ سەربازی ئەمریکی و ٢٨ چەکداری تاڵیبان کوژران.
لەبارەی هێرشەکەشەوە،
جۆ بایدن سەرۆکی ئەمریکا ڕایگەیاند، دەزگا هەواڵگرییەکانیان پێشبینی ئەو جۆرە هێرشانەیان
کردبوو.
ئاماژەی بەوەشکردووە،
توانیویانە ١٠٠ هەزار ئەمریکی و ئەفغانی لە فڕۆکەخانەی کابوڵەوە بگوازنەوە و لە هەوڵەکانیان
بۆ گواستنەوەی ئەوانەی ماون بەردەوام دەبن.
جۆ بایدن دەشڵێت،
ئەگەر پێویست بکات لە دوای ٣١ی ئەم مانگەش بەردەوام دەبن و ئەو هاوڵاتییە ئەفغانیانە
جێناهێڵن کە لەگەڵ هێزەکانی ئەمریکا کاریان کردووە.
هاوکات، بەرپرسێکی
تاڵیبان رایگەیاند، هیچ پاساوێک بۆ درێژکردنەوەی کشانەوەی هێزە بیانییەکان لە وڵاتەکەیاندا
نییە لە دوای ٣١ ی ئەم مانگە.
هەر دوێنێ، داعش
بەرپرسیارێتی خۆی لە ئەنجامدانی تەقینەوەکانی نزیک فڕۆکەخانەی حامید کارزای لە
کابوڵی پایتەختی ئەفغانستان راگەیاند.