دەشڵێت، ئێران هاوکاری سەربازی ئەو وڵاتەی کردووە.

ئەوەشی خستەڕوو، ئۆکرانیا تەنها لەسەر متمانە و خستنەڕووی راستییەکان کاردەکات، بۆیە بە سەرکردایەتی دیمیرۆ کولێبا وەزیری دەرەوەی ئۆکرانیا و بە هەماهەنگی لەگەڵ دەزگاکانی زانیاری ئۆکرانیا، بەردەوام دەبن لە بەکارهێنانی رێکاری توند بۆ رێگریکردن لە بەکارهێنانی چەکی ئێرانی لەلایەن روسیا.

ئاماژەی بەوەشدا، پێویستە ئێران درک بەوە بکات کە کاروبارە هاوبەشکانی لەگەڵ روسیا دژ بە ئۆکرانیا دەرئەنجامی قورسی دەبێت.

ئەمەش لە کاتێکدایە، بۆ یەکەمجار حسێن ئەمیر عەبدوڵڵاهیان، وەزیری دەرەوەی ئێران لە کۆنفرانسێکی رۆژنامەنوسیدا رایگەیاند، وڵاتەکەی فڕۆکەی بێفڕۆکەوانی بە روسیاداوە.

وتیشی، پێدانی فڕۆکە بێفڕۆکەوانەکان بەر لەدەستپێکردنی جەنگی نێوان روسیا و ئۆکرانیا بووە.

پێشتر وەزارەتی دەرەوەی ئێران لەسەر زاری ناسر کەنعانی، وتەبێژی وەزارەتی دەرەوەی ئیران نکۆڵی کرد لە بەکارهێنانی فڕۆکەی بێفڕۆکەوانی وڵاتەکەی لەلایەن روسیاوە و ئەنجامدانی هێرش لەڕێگەیانەوە بۆسەر ئۆکرانیا.

ئاماژەی بەوەشدا، ئەو هەواڵانە بەمەبەستی سیاسی بڵاو دەکرێنەوە و دەستی رۆژئاوای لەپشتە، چونکە چەکیان بە هیچکام لە روسیا و ئۆکرانیا نەداوە.