دەستەى کەشناسى و بومەلەرزەزانى عێراق رایگەیاند، لەچوارچێوەى ئەو شەپۆلە گەرمایەى لەم هەفتەیەدا رووى لە وڵات کردووە پلەکانى گەرما بەرزدەبنەوە.
عامر جابرى وتەبێژى دەستەى کەشناسى و بومەلەرزەزانى عێراق لە لێدوانێکى بە ئاژانسى هەواڵى عێراقییەى وت "لەسەرەتاى ئەم هەفتەیەدا پلەکانى گەرما بەرزبوونەوە و هەتا کۆتایى هەفتەش پلەکانى گەرما هەر بە بەرزى دەمێننەوە".
رونیشیکردەوە،
ناوچەکانى ناوەڕاست و باشورى عێراق زۆرتر کاریگەر دەبن بە بەرزبوونەوەى پلەکانى
گەرما بەجۆرێک پلەکانى گەرما لە ناوچەکانى ناوەڕاست دەگەنە ٤٨ پلە و لە ناوچەکانى
باشوریش پلەکانى گەرما دەگەنە ٥٠ پلە.
بەوتەى جابرى
هێشتا عێراق لەژێر کاریگەرى ئەو شەپۆلە گەرمایەی کە لەسەرەتاى مانگى حوزەیران
دەستى پێکردووە و لە کۆتایى مانگى ئاب کاریگەرییەکەى کەم دەکات.
ئاماژەى بەوەش
کرد چاوەڕوان دەکرێت لە سەرەتاى مانگى ئەیلولدا گۆڕانکاریى لە کەشوهەوا و پلەکانى
گەرما رووبدەن و لە کۆتایى ئەم مانگەشدا لیژنە هاوبەشەکانى وەزارەتى کشتوکاڵ و
بەرگرى شارستانى و دەستەکە دەستبەکار دەبن بۆ تاتوێکردنى پلانى بارانبارین لە
وەرزى زستان و بەراوردکردنی بە وەرزى بارانبارینى ساڵانى رابردوو .