میدیا جیهانیەکان بڵاویانکردەوە، بەهۆی بارانبارینی بەخوڕەوە لە پارێزگای هوبەی لە چین ٢١ کەس گیانیان لەدەستدا.
ئەمڕۆ هەینی، بارانبارینی زۆر بووە هۆی لافاو و لە ئەنجامدا ٢١ کەس لە چین گیانیان لەدەستدا و چوار کەسیش بێسەروشوێنن.
میدیاکان ئاماژەیان
بەوەداوە، لە پارێزگای هوبەی چین بارانبارینی بەخوڕ بووەتە هۆی بڕینی کارەبا و داڕمانی
زەوی و بە سەدان ماڵ وێرانبوون و نزیکەی شەش هەزار کەس بەناچاری ماڵەکانیان چۆڵکردووە.
نوسینگەی چارەسەری
فریاگوزاری پارێزگای هوبەی راگەیاندووە، عەمباری هەڵگرتنی ئاو گەیشتونەتە ئاستی مەترسیدار.
میدیاکان ئەوەشیان
خستووەتەڕوو، ئاستی بارانبارین لە کۆڵان و گەڕەکەکاندا گەیشتوەتە کەمەری مرۆڤەکان
و ٤٨٠ ملیم بارانبارین تۆمارکراوە و بە بلدۆزەر خەڵک رزگارکراوە.
سەنتەری کەشناسی
چینیش بڵاویکردەوە، بارانبارین تاوەکو هەفتەی داهاتوو بەردەوامدەبێت و ئەو هەرێمانەی
نزیکن لە رووباری یانگتزێ لە ژێر مەترسی لافاودان و لەوانەش پارێزگای شەنگەهای.
ئەمەش لەکاتێکدایە،
مانگی رابردوو زیاتر لە ٣٠٠ کەس بەهۆی لافاوەوە لە پارێزگای هێنانی چینی گیانیان لەدەستدا.