ئەمریکا رایگەیاند، سزای بەسەر عەسائیبی ئەهلی حەق و کەتیبەکانی حزبوڵای عێراق و حزبوڵای لوبنان و دوو کۆمپانیای بازرگانی سوریدا سەپاند.
ئەمڕۆ دووشەممە، ئیدارەی ئەمریکا راگەیەنراوێکی بڵاوکردەوە و تیایداهاتووە، سزای بەسەر گروپی چەکداری عەسائیبی ئەهلی حەقی عێراقی کە بەشێکە لە پێکهاتەی سوپای سەربە حکومەتی عێراق و فراکسیۆنی سادیقونیش لە پەرلەمانی عێراق باڵی سیاسی ئەو گروپەن، سەپاند.
لەلایەکی دیکەوە،
سزای بەسەر هەریەک لە گروپی چەکداری حزبوڵای عێراقی نزیک لە ئێران و حزبوڵای
لوبنانی سەپاند.
هەروەها، دوو کۆمپانیای
بازرگانی سوریشی خستە ناو لیستی رەشەوە و سزای بەسەردا سەپاندن.
ئیدارەی ئەمریکا
تۆماری فیدڕاڵی بڵاوکردەوە و تیایدا هاتووە، لە رێکەوتی ٢٩ی تەمموزەوە بڕیای سەپاندنی
سزاکان دراوە.
بەگوێرەی راگەیەنراوەکە،
لە رێکەوتی ٢٩ی تەمموزی ٢٠٢١ ئەمریکا رێوشوێنەکانی رێگریکردن لە بڵاوبوونەوەی چەکی
ئەتۆمی جێبەجێکردووە و ئاماژەی بەوەشداوە، یاساکە و کۆت و رێکارەکانی بەسەر هەر یەکەکەیەکدا
جێبەجێدەکرێت کە سەر بە یەکێک لەو قەوارانەبن کە سزادراون.
راگەیەنراوەکە،
ئەوەشی خستووەتەڕوو، سزاکان بۆ ماوەی دوو ساڵ بەرکاردەبن و دواتر وەزارەتی دەرەوەی
ئەمریکا دەتوانێت سزاکان کەمبکاتەوە یان کۆتاییان پیبهێنێت. هاوکات، راگەیەنراوەکە
هیچ ئاماژەی بەجۆر و سروشتی سزاکان نەداوە.
ئەمە لە کاتێکدایە،
لەماوەی ئەمساڵدا زیاتر لە ٥٠ هێرشی جۆراوجۆر هەر لە هێرشی فڕۆکەی بێ فڕۆکەوان بۆ
سەر بنکە سەربازییەکانی ئەمریکا و بە بۆمبی چێنراو هێرش کراوەتە سەر کاروانی هێزەکانی
و بەردەوام گروپە چەکدارەکانی نزیک لە ئێرانی تۆمەتبار کردووە.