مەسرور بارزانی سەرۆکی حکومەتی هەرێمی کوردستان بە مەبەستی بەشداریکردن لە کۆڕبەندی ئابووری جیهانیی داڤۆس، بەرەو سویسرا بەڕێکەوت.
مەسرور بارزانی لە پەراوێزی کۆڕبەندەکەدا، کە رۆژانی ٢٢ تا ٢٦ی ئایار بەڕێوەدەچێت، دیدار و کۆبوونەوەی لەگەڵ بەرپرسە باڵاکان و خاوەنکاران و ئابوریناسانی ناوچەکە و جیهان دەبێت.
بەگوێرەی ئەو راگەیاندراوەی
کە لە نووسینگەی رۆژنامەوانیی سەرۆکی حکومەتی هەرێمی کوردستانەوە بڵاوکراوەتەوە، مەسرور
بارزانی لە چوارچێوەی چالاکییەکانی کۆڕبەندەکەدا، بەشداریی لە پانێلێکدا دەکات بە
ناونیشانی (پێکهاتەیەکی نوێی ئاسایش لە رۆژهەڵاتی ناوەڕاستدا) .
لە کۆبوونەوەکاندا، جیا
لە تاوتوێکردنی دوايين گۆڕانکاریی و پێشهاتەکانی عێراق و ناوچەکە، گفتوگۆ دەربارەی
هەمەجۆرکردنی ئابووری و سەرچاوەکانی داهات، گرنگی پێشخستن و چاکسازیکردن لە سیسته‌می
بانکی، دۆزینەوەی بازاڕی نوێ بۆ بەروبومی کشتوکاڵی هەرێمی کوردستان، پەرەپێدانی ئاڵوگۆڕی
بازرگانی و وەبەرهێنان دەکرێت.