سودانی: هیچ لایەنێك لە سەرووی یاساوە نییە
سەرۆک وەزیرانی عێراق، فه‌رمانی لێكۆڵینه‌وه له‌باره‌ی هێرشه‌كه‌ی ئەمڕۆ بۆ سه‌ر ئیداره‌ی وه‌زاره‌تی كشتوكاڵ ده‌ركرد و وتی، هیچ كه‌سێك مافی ئه‌وه‌ی نییه جێگه‌ی ده‌وڵه‌ت یان ده‌سه‌ڵاتدارانی بگرێته‌وه، هه‌روه‌ها هیچ لایه‌نێك له سه‌رووی یاساوه نییه و لێپرسینه‌وه‌ی توند ده‌كه‌ن.
بەهۆی بەرزبوونەوەی پلەکانی گەرماوە، پارێزگای زیقار بڕیاریدا سبەینێ لە سەرجەم دامودەزگا حکومییەکان پشووی فەرمی بێت.
سەرۆکی حکومەتی ماوەبەسەرچوو دەڵێت، لەگەڵ یەکێتی لەسەر ئەجێندای حکومەتی داهاتوو رێککەوتووین. دەشڵێت، ئەو ئەجێندایەی لەگەڵ یەکێتی لەسەری رێککەوتووین درێژە پێدەری کابینەی پێشووە.
کشتوکاڵی سلێمانی دەڵێت، لەگەڵ لیژنە هاوبەشەکان دەستیان بەسەر بڕێکی زۆر سەوزە گرتووە کە مەترسیداربووە بۆ بەکارهێنان.
لە دوو رووداوی ئاگرکەوتنەوەدا لە سنووری قەرەداغ زیاتر لە ١٠ دۆنم پووش و پاوان و دارستان سووتا و زیان بە چەند رەز و باخێکى هاوڵاتییان کەوت.
پەیامنێری ئێن ئاڕ تی دەڵێت، کوردۆ عەبدوڵا، ناسراو بە کوردۆی شاعیر لە مزگەوتی گەورەی شاری سلێمانی گیانی لەدەستدا.
وەزیری نەوتی عێراق دەڵێت، تا کۆتایی ئەمساڵ یەکەمین وێستگەی کارەبا لە وزەی خۆر دەکەوێتە کار و توانای بەرهەمهێنانی ٢٥٠ مێگاوات کارەبای دەبێت.
هاتوچۆی هەولێر دەڵێت، هاتووچۆی ماتۆڕسكیل و پاسكیل لە هەردوو شەقامی ١٢٠ مەتری و ١٥٠ مەتری قەدەغەیە.
پۆلیسی سلێمانی لە راگەیەنراوێکدا دەڵێت، چوار گەشتییاری عەرەبییان به‌تۆمه‌تی دزینی زێڕ ده‌ستگیركردووە دەشڵیت، ئەو کەسانە چەند ڕۆژێکە وەکو گەشتیار هاتونەتە هاوینەهەواری دوکان و لەوێ ماونەتەوە، ڕۆژانە سەردانی ناو بازاڕی شاری سلێمانییان کردووە.
وەزارەتی دارایی و ئابووری حکومەتی ماوەبەسەرچووی هەرێم دەڵێت، ڕۆژی دووشەممە مووچەی مانگی ئایاری مامۆستایانی گرێبەستی وەزارەتی پەروەردە دابەشدەکرێت، دەشڵێت، هەمان ڕۆژ مووچەی مانگی نیسانی مامۆستایانی گرێبەستی وەزارەتی خوێندنی باڵا و توێژینەوەی زانستی دابەش دەکرێت.
بەڕێوەبەرایەتی هاتووچۆی هەرێم دەڵێت، بەهۆی گواستنەوەی شووێنی بەڕێوەبەرایەتییەکەیان، دەوامییان لە ڕۆژی سێشەممەوە ٢٩ی تەمووز تا چەند ڕۆژێک ڕادەگیرێت.
بەڕێوەبەری پسوڵەی خۆراکی هەولێر کۆتا ئاگادارکردنەوە بە هاوڵاتیان دەدات، ئەو کەسانەی فۆڕمی ئەلکترۆنی خۆراکیان پرنەکردوەتەوە لە سەرەتای مانگی داهاتودا بەشە خۆراکیان دەبڕدرێت.
دوای ئەوەی لەماوەی رابردوودا شاندی بەغدا سەردانی بەشێک لە کێڵگە نەوتییەکانی هەرێمی کرد، بڕیارە ئەمرۆ جارێکی دیکە شاندەکە بێنەوە و ئەو کێڵگە نەوتییانەی ماون سەردانییان بکەن، هاوکات، لەبارەی مووچەی مانگی شەش دارایی هەرێم دەڵێت لەم هەفتەیەدا داهاتی دیکە رادەستی بەغدا دەکەین.
جێگری وەزیری دەرەوەی ئێران دەڵێت، شوێنی پەسەندکراوی داهاتوویان بۆ دانوستان لەگەڵ ئەمریکا ئیستەنبوڵە و وتیشی، لە رێگەی نێوەندگیرەکانەوە پەیوەندیان هەیە لەگەڵ ئەمریکا.
راوێژکاری دارایی سودانی دەڵێت، رەشنووسی یاسای بودجەی ساڵی ٢٠٢٦ ئەزمونێکی دارایی جیاواز بەدوای خۆیدا دەهێنێت و داهاتی نانەوتی زیاد دەکات.
یەکگرتووی ئیسلامی لە راگەیەنراوێکدا بڵاویکردەوە، پێویستە هەردوو حكومەتی هەرێم و بەغدا پابەندیەكانی خۆیان لەبارەی مووچەوە جێبەجێ بکەن و حكومەتی ماوەبەسەرچووی هەرێم و لایەن و دەسەڵاتدارەكانی كوردستان پێداچوونەوە بە سیاسەت و بەرنامەی حكومەتی خۆیاندا بكەن تا چارەسەری ڕیشەیی كێشەی موچە بكەن، داواشدەکات، بە زووترین كات پەرلەمانی كوردستان كارا بكەن.
بەپێی ڕاگەیەنراوی بەڕێوەبەرایەتیی گشتیی کارەبای سلێمانی، نرخی کیلۆواتی کارەبای مۆلیدە بۆ مانگی حەوت ٢٣٩ دینارە.
دوای ئەوەی دەنگی برسێتی و بەدخۆراکی و مردن لە غەززە بە جیهاندا بڵاوبووەوە، ئیسرائیل ئاگربەستی لە بەشێکی شوێنەکانی غەززە راگەیاند بۆ ئەوەی رێگە بە گەیشتنی هاوکارییەکان بدرێت لە خۆراک و ئاو و پێداویستییە پزیشکییەکان.
ئەو شەپۆلە گەرمایەی نزیکەی هەفتەیەکە رووی لە ناوچەکانی کوردستان کردووە، ئەمڕۆ کۆتایی دێت و سبەی تاڕادەیەک کەشەکە ئاسایی دەبێتەوە.
سەرۆکی حکومەتی ماوەبەسەرچوو دەڵێت، لەگەڵ بەغدا هەوڵدەدەن بۆ دۆزینەوەی رێگەچارەیەک بۆ پرسی هەناردەی نەوتی هەرێم لە یاسایی نەوت و غاز، وتیشی، حکومەتی عێراق پرسی مووچە وەک کارتی فشار لە دژی هەرێم بەکاردەهێنێت.
سوپای ئیسرائیل دەڵێت، ئەمشەو دەست بە بەردانەوەی یەکەم بڕی هاوکارییە مرۆییەکان بۆ غەززە دەکرێت و هاوکارییەکە ئارد، شەکر و خواردنی قتوبەند لەخۆ دەگرێت. ئاژانسی رۆیتەرزیش دەڵێت، بەردانەوەی هاوكارییە مرۆییەكان لە باكووری غەززە دەستیپێكرد.
بەهۆی بەرزبوونەوەی پلەکانی گەرماوە، پارێزگاکانی بەسڕە و زیقار و واست و کەربەلا، دیوانیە، میسان بۆ سبەی یەکشەممە پشووی فەرمییان راگەیاند، هاوکات پارێزگای بابلیش بۆ پاراستنی فەرمانبەرانی، کاتەکانی دەوامی فەرمیی گۆڕی.
نوێنەرێکی مامۆستایانی گرێبەست دەڵێت، مامۆستایانی گرێبەست بێبەشکراون لە مووچەکانیان، لەکاتێکدا مووچەکانیان لەسەر داهاتی ناوخۆیە.
سەرۆک وەزیرانی عێراق دەڵێت، رێگە بە هیچ تاک و قەوارەیەک نادەن لەسەر بنەمای ئایین یان بیروباوەڕ، پێوەر و پۆلێنکردن بۆ کۆمەڵگا دابنێت، هەروەها سنووردارکردنی هەڵگرتنی چەک لە دەستی دەوڵەتدا، پایەی بنەڕەتی دەوڵەتێکی بەهێز و شکۆمەندە، هیچ لایەنێک مافی دەستبەسەرداگرتنی ئەم بڕیارە و جێگرتنەوەی دەوڵەت و دەسەڵاتدارانی نییە.
دوای به‌سه‌ربردنی ٣١ ساڵ له زیندانه‌كانی توركیا، وه‌یسی ئاكتاش له زیندانی ئیمرالی ئازاد كرا.
هاتووچۆی گەرمیان دەڵێت، کەمێک پێش ئێستا لەسەر رێگای کەلار - ناحیەی باوەنور نزیک گوندی رەند علی خان ئۆتۆمبێلێک وەرگەڕا و بەهۆیەوە شۆفێرەکەی گیانی لەدەستدا.
هێڵی ئاسمانی عێراقی داوای لێبوردن لە سەرنشینەكانی دەكات بەهۆی دواکەوتنی گەشتی IA 102، کە سەرنشینی فڕۆکەی بۆینگ دریملاینەر (787-AY-ATD) بوون لە رێگەی فڕۆکەخانەی نێودەوڵەتیی قاهیرەوە بۆ فڕۆکەخانەی نێودەوڵەتی بەغدا.
سەرەڕای ئەوەی دەسەڵات بانگەشەی ئەوەی دەکرد کە کێشەی بێ ئاوییان لە هەولێر چارەسەر کردووە، بەڵام کێشەکە هەر بەردەوامە و هاوشێوەی ساڵانی پێشوو نەوەی نوێ ئاوی گەیاندە گەڕەکە بێ ئاوەکانی شارەکە.
بەهای دۆلار بەرامبەر دینار لە بازاڕەکانی هەرێم زیاتر دابەزی و ئەمڕۆ ١٠٠ دۆلار هاتە خوار ١٣٩ هەزار دینار و شارەزایانی ئابووریش هۆکارەکەی بۆ توندکردنی رێکارەکانی بانکی ناوەندی عێراق دەگەڕێننەوە.
دوای ئەوەی وەزارەتی خوێندنی باڵای عێراق بڕیاریدا بە لابردنی زمانی کوردی لە کاتی تاقیکردنەوەکان لە زانکۆی دیالە و موسڵ و کەرکوک، پەرلەمانتارێکی نەوەی نوێ لە پەرلەمانى عێراق دەڵێت، ئەو بڕیارە پێشلکاریی دەستورییە و داواش دەکەن دەستبەجێ بڕیاری قەدەغەکردنی زمانی کوردى هەڵبوەشێنرێتەوە.