نوسینگەی مەسرور بارزانی: ٨٠٪ــی مووچەخۆرانی سلێمانی هەژماری منیان پڕکردووەتەوە
نێردەی تایبەتی سەرۆکی ئەمەریکا و سەرۆک وەزیرانی قەتەر، کۆتاییهێنان بە شەڕی غەززە و ئازادکردنی هەموو بارمتەکان تاوتوێ دەکەن.
وتەبێژی ئەپیکور سەبارەت بە پرسی هەناردەکردنەوەی نەوتی هەرێم بە ئێن ئاڕتی وت، چاوەڕوانی ئەنجامی کۆتایی گفتوگۆکانی دەستپێکردنەوەی هەناردەی نەوتی هەرێمن لە نێوان هەرێم و بەغدا و لایەنەکانی دیکە.
جێگری بەڕێوەبەری نوسینگەی سەرۆكی حكومەتی ماوەبەسەرچوو دەڵێت، نزیکەی ٨٠٪ مووچەخۆرانی سلێمانی لە هەژماری من ناویان تۆمارکردووە، دەشڵێت، دابەشکردنی کارتی بانکی بەسەر مووچەخۆران خێراتر دەکەن و دانانی ئامێری راکێشانی پارە لە شوێنەکان زیاتر دەکەن.
یاریدەدەری سەرۆکی حکومەتی ماوەبەسەرچوو دەڵێت، هەرێم تەواوی داواکارییەکانی بەغدای جێبەجێکردووە و ئامادەن بۆ دەسپێکردنەوەی هەناردەی نەوت. دەشڵێت، سبەینێش یاداشتەکەیان سەبارەت بە داهاتی ناوخۆ دەدرێتە دەستی سەرۆک وەزیرانی عێراق.
سەرۆکوەزیرانی عێراق، دووپاتیکردەوە کە هیچ پاساوێک بۆ بوونی هیچ چەکێک لە دەرەوەی دامەزراوەکان نییە.
سەرۆکی لیستی نەوەی نوێ لە خانەقین و تەواوی دیالە رایگەیاند، یەکێتی كارەبای گەرمیان دەفرۆشێتە بەعقوبە، كەچی ئامادەنییە یەك میگاواتی بداتە خانەقینیەكان لەم گەرما تاقەتەت پڕوكێنەدا.
وەزارەتی پلاندانانی عێراق دەڵێت، تێکڕاى داهاتی پێشبینیکراو لە ماوەى پلانی گەشەپێدانی پێنج ساڵەدا دەگاتە ٧١٠ تریلیۆن دینار.
کۆمسیۆن تیروپشکی بۆ پێدانی ژمارە بە حزب و هاوپەیمانییەتی و کاندیدە سەربەخۆکان بۆ هەڵبژاردنی پەرلەمانى عێراق کرد و جوڵانەوەی نەوەی نوێش بە ژمارە ٢٨٨ بەشداری هەڵبژاردن دەکات.
تیمەکانی نەوەی نوێ بەردەوامن لە دابینکردنی ئاو بۆ گەڕەکە بێئاوەکانی هەولێر و هاوڵاتیانیش سوپاسی نەوەی نوێ دەکەن کە ساڵانە لە بێئاویدا بە هانایانەوە دەچێت، هاوڵاتیەکیش دەڵێت، لەبەر بێئاوی ناچارن ئەوەی پەیدای دەکەن ئاوی پێدەکڕن.
سەرۆك وەزیرانی عێراق رایگەیاند، "هەڵسەنگاندنمان دانا بۆ بەرپرسانی باڵای دەوڵەت و پەنامان بۆ هیچ بڕیارێكی خێرا نەبرد و لیژنەی تایبەتی هەڵسەنگاندنمان دانا و دەشڵێت، چوار وەزیر درانە دادگا و" داوای گۆڕینی شەش وەزیرشمان لە لایەنەكان كردووە".
وتەبێژی کۆمسیۆنی باڵای سەربەخۆی هەڵبژاردنەکانی عێراق دەڵێت، بڕیاردرا ژمارە ٥٦ لە لیستی هاوپەیمانی و حزب و کاندیدەکانی تاک کە ژمارەی تیروپشک وەردەگرن هەڵبووەشێنێتەوە، ئەوەش بەهۆی کاریگەرییە کۆمەڵایەتییەکانییەوە.
بە بڕیارى ئەنجومەنى پارێزەرانى ئێران، لەمڕۆوە باج لە هەموو ئەو کەسانە وەردەگیرێت کە قازانجیان لە بتکۆین و دراوە ئەلیکترۆنییەکانی تر وەرگرتووە و بە وردy چاودێری بازاڕی ئەلیکترۆنی دەکرێت.
راگەیاندنی قائیمقامیەتی سلێمانی دەڵێت، بە گوێرەی ئامارەکانی مانگی تەمموز، زیاتر لە شه‌ش هەزار سەردان ئەنجام دراوە و پسوڵەی سەرپێچی بۆ ٣٨٦ شوێنکار کراوە و حەوت شوێنیش داخراون.
جوتیارانی سنووری مەخموور دەڵێن، زەوییەکانمان لەلایەن دەسەڵاتدارانەوە داگیرکراون و تەنها نەوەی نوێ بەدەنگیانەوە هاتوون، پەرلەمانتارێکی نەوەی نوێش وتی، پشتگیری لە داوای جوتیاران و فەرمانبەرانی مەخموور دەکەین.
پەرلەمانتاری پێشووی نەوەی نوێ راگەیەندراوێک ئاڕاستەی حکومەتی ماوەبەسەرچوو دەکات و دەڵێت"عێراق بە ٨٠ هەزار بەرمیل رازییە بۆ نایدەن؟ تاکەی گرفت لەبەردەم هەناردەکردنەوەی نەوت دروست دەکەن؟".
گواستنەوە و گەیاندنی عێراق رەتیدەکاتەوە نرخی بلیتەکانی نێوان عێراق و لوبنان بەرزکرابێتەوە و ده‌ڵێت، نرخی بلیت لە نێوان وڵاتەکە و بەیروت ٤٧١ هەزار دیناری عێراقییە نەوەک ٥٠٠ دۆلاری ئەمریکی.
روانگەی ئێکۆ عێراق دەڵێت، هەرێم کاریگەریی هێرشە درۆنییەکانى تێپەڕاندووە و بەرهەمهێنانى نەوتی گەیاندووەتە زیاتر لە ٢٠٠ هەزار بەرمیل لە رۆژێکدا، وتیشی، تا هەناردەی نەوت دوابکەوێت گرفتی زیاتر بۆ مووچەی هەرێم درووستدەبێت.
کەشناسی هەرێم دەڵێت، ئاسمان ساماڵ دەبێت و لە سبەینێوە پلەی گەرما یەک بۆ دوو پلە بەرزدەبێتەوە و لە ناوچەکانی سنووری گەرمیان دەگاتە ٤٩ پلەی سیلیزی، هاوکات کەشناسی عێراقیش دەڵێت، لە ناوەراستی هەفتەی داهاتووەوە ئەو شەپۆلە گەرمایەی عێراقی گرتووەتەوە کەم دەبێتەوە.
چاوگێکی ئەمنی بە ئێن ئاڕتی وت، بەیانی ئەمڕۆ لە سلێمانی تەرمی گەنجێک لەناو ئۆتۆمبێلێکدا دۆزراوەتەوە کە چەند رۆژێکە گیانی لەدەستداوە.
چاوگێک بە ئێن ئاڕ تی راگەیاند، بەغدا داواکارییەکەی حکومەتی ماوەبەسەرچووی بۆ گۆڕانکاری لە رێککەوتنی نەوت و مووچە رەتکردەوە.
لە ماوەی ٢٤ کاتژمێری رابردوودا دوو رووداوی کوشتن لە کەرکوک روویانداوە و پۆلیسی پردێ بە ئێن ئاڕ تی وت، تەرمی هاوڵاتییەک بە کوژراوی لە ئۆتۆمبێلەکەی خۆیدا دۆزرایەوە و چاوگێکی ئەمنیش وتی، هاوڵاتییەکی تەمەن ٤٠ ساڵ لە سنووری ناحیەی حەویجە کوژرا.
دوای هەشت مانگ تا ئێستا هیچ خانەنشینێک لە هەرێم ئیکرامیەی وەرنەگرتووە و بەپێی زانیارییەکانیش پەیوەندی بە نەبوونی سندوقی خانەنشینی و دیارنەمانی پارەکەوە هەیە؛ وتەبێژی خانەنشینانی هەرێمیش لەبارەی نەهاتنی شەش مووچەی خانەنشینان دەڵێت،" پەیوەندی بە بەغداوە نییە و پێویستە حکومەتی ماوەبەسەرچوو لەسەر داهاتی فەرمانگەکانی خۆیان خەرجی بکات".
٤٠ رۆژە موچەى مانگی شەش دواکەوتووە و تا ئێستاش حکومەتى ماوەبەسەرچوو پابەند نەبووە بە رادەستکردنی نەوت و داهاتی ناوخۆو و دەڵێت، تا بەغدا مووچە خەرجنەکات، ١٢٠ ملیارەکە رادەست ناکەن.
دوای چەندین دەیە لە شەڕ و پێکدادان؛ ئەرمینیا و ئازەربایجان بە نێوەندگیری ترەمپ رێککەوتنی ئاشتیان واژۆکرد.
وەزیرى نەوتى سوریا دەڵێت، بەم نزیکانە بۆ گفتوگۆ لەسەر پرسی هەناردەکردنەوەى نەوتى عێراق لەرێگەى بۆری بانیاسەوە سەردانی بەغدا دەکات، دەشڵێت، ئەگەر ئەو بۆریە نۆژەن بکرێتەوە، توانای هەناردەکردنی ٣٠٠ هەزار بەرمیلی لە رۆژێکدا هەیە.
سەرۆکی ئەمریکا وتی رۆژی هەینی داهاتوو لەبارەی راگرتنی جەنگی ئۆکرانیا لەگەڵ سەرۆکی روسیا لە ئەلاسکا کۆدەبێتەوە، وتیشی، ئەگەری هەیە ئەمریکا رازی ببێت روسیا بەشێک لە خاکی ئۆکرانیا بۆ خۆی ببات، هاوکات سەرۆکی روسیا دوا مەرجی خۆی بۆ راگرتنی شەڕ ئاشکراکرد.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٩٨ دۆلار مامەڵەی پێوەدەکرێت و بەردەوامە لە بەرزبوونەوە؛ نرخی مسقاڵێک زێڕی عەیارە ٢١یـش بە ٦٦٨ هەزار دینارە.
بڕیارە ئەمڕۆ کاتژمێر ١١ـی پێشنیوەڕۆ، کۆمیسیۆنی باڵای سەربەخۆی هەڵبژاردنەکان تیروپشک بۆ پێدانی ژمارە بە هاوپەیمانێتییەکان، کاندید و لیستەکان لە بەغدا بکات.
دوای ئەوەی ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت، ئەمە بووە هۆی بەرزبوونەوەی نرخی نەوت لە بازاڕەکانی جیهاندا، ئەمڕۆ نرخی بەرمیلێک نەوتی خاوی برێنت بە ٦٦ دۆلار و ٣٦ سەنت مامەڵەی پێوەدەکرێت، بەراورد بە دوێنێ جێگیرە.
لەسنووری خەلیفان، ژنێك كەوتە ناو رووباری قەمەریان و خنكا، تەرمەكەشی لەلایەن تیمی بەرگریی شارستانیی سۆرانەوە دەرهێنرا.