لەبارەی دەنگۆی تەقینەوەیەک لە بەغدا روونكردنەوە دەدرێت
٣١ـی ئاب، ئەو رۆژەی پارتی دەبابەی بەعسی هێنایە هەولێری پایتەخت و شەڕی یەکێتی پێکرد، بەهۆی شەڕی نێوانیشیانەوە پارتی و یەکێتی هەزاران گەنجی کوردیان بە کوشتدا و کردنیانە سوتەمەنی شەڕی بەرژەوەندییەکانیان، دواتر خۆیشیان بوونە برا و بەشی یەک و پۆست و ئیمتیازیان دابەشکرد و تاکو ئێستاش چارەنووسی زیاتر لە ٤٠٠ گەنج کە لە شەڕی ناوخۆدا دەستگیرکرابوون نادیارە.
پۆلیسی دارستانی سلێمانی دەڵێت، بەهۆی تەزووی کارەباوە، لە چەند گوندێکی سنووری شارباژێر ئاگر کەوتەوە و بەهۆیەوە هەزار دۆنم پوش و پاوان سووتا.
وەزارەتی ناوخۆی عێراق دەنگۆی روودانی تەقینەوەیەک لە نزیک فڕۆکەخانەی نێودەوڵەتی بەغدا بە توندی رەتدەکاتەوە و دەڵێت، دۆخی ئەمنی ناوچەکە ئارام و جێگیرە.
کەشناسی هەرێم دەڵێت، بە گشتی تۆز و خۆڵێکی کەم هەرێم دەگرێتەوە، لە ناوچەکانى کەرکوک و گەرمیان زیاتر دەبێت.
چاوگێک لە وەزارەتی دارایی عێراق بە ئێن ئاڕ تی وت، پارەی مووچەی مانگی شەشیان رەوانەی هەرێم کرد.
وەزارەتی بازرگانی عێراق دەڵێت، سەرجەم شایستە داراییەکانی جوتیارانی هەرێم و ئەو ناوچانەی دواکەوتوون دەنێرن، وتیشی، سەرەتا پارەی ئەو جوتیارانە دەدرێت کە کەمتر لە ٥٠ تەن گەنمیان رادەستکردووە.
دواجار حکوومەتی ماوەبەسەرچوو ١٢٠ ملیارەکەی داهاتی نانەوتی رادەستی بەغدا کرد و بە گوێرەی رێکەوتنەکانیان، دوای رادەستکردنی داهات مووچەی مووچەخۆرانی هەرێم خەرجدەکرێت و چاوەڕوان دەکرێت ئەمڕۆ کە دەوامی فەرمی دەستیپێکردووە، حکومەتى عێراق مووچەى مانگی شەش رەوانەى هەرێم بکات؛ هاوکات بڕیارە شاندێکیش سەردانی بەغدا بکات و سەبارەت بە داهاتی نانەوتی گفتوگۆ لەگەڵ دارایی عێراق بکەن.
دوای گۆڕانکاری بەرچاو لە نرخەکەی؛ ئەمڕۆ بەهای کانزا زەردەکە بە سێ هەزار و ٤٤٧ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١ـیش بە ٦٩٠ هەزار دینارە.
بەڕێوەبەرایەتی ئاوی سۆران دەڵێت، ئەمڕۆ بەشێک لە گەڕەکەکانی سنووری ناوەندی سۆران ئاویان بۆ ناچێت و داوا لە هاوڵاتیان دەکات دەست بە ئاوەوە بگرن.
دوای کۆبوونەوەی ئاگربەستی جەنگی روسیا و ئۆکرانیا، ئەمڕۆ نرخی بەرمیلێک نەوتی خاوی برێنت لە بازاڕەکانی جیهاندا بە ٦٧ دۆلار و ٤٦ سەنت مامەڵەی پێوەکرا و بەراورد بە دوێنێ نرخەکەی جێگیرە.
پسپۆڕانی تەندروستی هۆشداری دەدەن لە خوویەکی باو کە دەتوانێت تەندروستیمان بخاتە مەترسییەوە، لێکۆڵینەوە نوێیەکان دەریدەخەن خواردنەوەی ئاوی ئەو بوتڵە پلاستیکیانەی لەناو ئۆتۆمبێلدا بەجێهێڵراون، دەبێتە هۆی ژەهراویبوونی جەستە.
چلەی هاوین کۆتایی هات و هێشتا زۆرینەی شار و شارۆچکەکانی هەرێم بەدەست بێئاوییەوە دەناڵێنن و نەوەی نوێش لەبری حکومەتە ماوەبەسەرچووەکە، بەردەوامە لە دابەشکردنی ئاو لە گەڕەکە بێئاوەکان و ئەمڕۆش ئاو بەسەر چەند گەڕەکێکی سلێمانیدا دابەش کرا. بەشێک لە هاوڵاتییانیش دەڵێن، "شاسوار عەبدولواحید، لە زیندانیشەوە خەمی میلەتەکەیەتی".
لەماوەى ٢٠ رۆژى رابردوودا نزیکەى ٣٢ هەزار کەس لە هەرێمى کوردستان بەشێوەى ئۆنلاین ناویان بۆ حەجی ساڵى ٢٠٢٦ تۆمارکردووە.
هێزەكانی سوریای دیموكرات (هەسەدە) و یەكینەكانی پاراستنی ژن (یەپەژە) دەستگیركردنی ٣٩ چەكداری داعشیان لە شاری حەسەكە راگەیاند.
دوای نزیکەی چوار رۆژ، ئاگرەکەی سنووری پێنجوێن کۆنتڕۆڵ کرا کە بەهۆیەوە زیاتر لە هەزار و ٩٠٠ دۆنم لە پوش و پاوان و دارستان سووتاوە.
حوسییەكانی یەمەن كوژرانی سەرۆك وەزیران و ژمارەیەك وەزیری حكومەتی وڵاتەكەیان لە ئەنجامی هێرشێكی ئاسمانیی ئیسرائیل بۆسەر شاری سەنعای پایتەحت، راگەیاند.
لە وەڵامی بافڵ تاڵەبانی کە باسی بوونی ئۆپۆزسیۆن و بوونی دیموکراسی لە سلێمانی دەکات سروە عەبدولواحید وەڵامی توندی دەداتەوە و دەڵێت، "تۆ باسی چ دیموکراسییەک دەکەیت کاتێک نوقم بوویت لە دەستوەردان لە کاری دەسەڵاتی دادوەری؟"
سەرۆک وەزیرانی عێراق و سەرۆکی فەڕەنسا لە پەیوەندییەکی تەلەفونیدا پەیوەندییە دووقۆڵییەکان و رێگاکانی بەرزکردنەوەی هاوبەشی و هاوکاری لە بوارە جیاجیاکاندا تاوتوێ کران، هەروەها تاوتوێی سەردانە پلان بۆ داڕێژراوەکەی ماكرۆن بۆ بەغدا کرا.
وتەبێژی بەڕێوەبەرایەتی ئاوی دەوروبەری گەرمیان بە ئێن ئار تی وت، دوای دەستبەکاربوون لە پرۆژەی ئاوی باوەنور کە زیاتر لە ساڵێک و دوو مانگە، هێشتا تەواو نەکراوە و کارکردن تیایدا بەردەوامە هاوڵاتیانیش دەڵێن، چوار مانگە کارکردن لە پڕۆژەکەدا راگیراوە.
رۆژی جیهانی بێ سەروشوێنکراونە و پارتی و یەکێتی ئامادە نین چارەنوسی زیاتر لە ٤٠٠ بێ سەرووشوێنی شەڕی ناوخۆ ئاشکرابکەن.
پۆلیسی دارستانی سلێمانی دەڵێت، ئاگرەکەی پێنجوێن تا ئێستاش بەردەوامە و کەسێک بە تۆمەتی خستنەوەی دەستگیرکراوە.
پارێزگاری بانكی ناوەندی دەركردنی ڕێنمایی و كۆنتڕۆڵی بۆ ڕێكخستنی پارەدانی ئەلیكترۆنی راگەیاند، وێڕای ئاشكراكردنی میكانیزمی پەرەپێدانی پرۆسەی پارەدانی ئەلیكترۆنی، جەختی لەسەر پابەندبوونی هەمو دامەزراوەكانی دەوڵەت كردەوە كە پارەدانی ئەلیكترۆنی بەكاربهێنن نەك پارەی كاش.
باڵیۆزخانەی ئۆكرانیا لە عێراق ئەو راپۆرتانە رەت دەكاتەوە كە گوایە ئۆكرانیا بەشداربووە لە مەشقپێكردنی چەند كەسێك و دروستكردنی فڕۆكەی بێفڕۆكەوان لە رووداوەکەی لالەزاردا، دەشڵێت، وڵاتەکە هەرگیز هیچ چالاكییەكی بەو جۆرە ئەنجام نادات.
کەشناسی هەرێم دەڵێت، پلەکانی گەرما لە خوار ٤٤ پلەی سیلیزی دەمێننەوە و سبەینێش لە کاتەکانی ئێوارەدا ئەگەری بەرزبوونی تۆزیکی سووک هەیە.
تەندروستی هەرێم دەڵێت، حاڵەتێکی دیکە بە تووشبوونی نەخۆشی تای خوێنبەربوون لە دهۆک تۆمارکراوە و تا ئێستا دۆخی تەندرووستی تووشبووەکە جێگیرە؛ داوا لە هاوڵاتییانیش دەکات کە پابەند بن بە رینماییەکانی وەزارەتەکەوە.
سەرەرای زۆریی نارەزایی هاوڵاتیان لە گرانی نرخەکەی، حکومەتى ماوەبەسەرچوو بەردەوامە لە فراوانکردنی پرۆژەى کارەبا گرانەکە و لە ئێستاشدا تەواوی پارێزگای هەڵەبجەی گرتووەتەوە.
شەوی رابردوو دوو منداڵی خێزانێک کەوتنە ناو زێی بچووکەوە و باپیریان لە هەوڵی رزگارکردنیاندا ژیانی خۆی خستە مەترسییەوە و خنکا، ئەمڕۆ تەرمەکەی دۆزرایەوە.
دادگای تێهەڵچوونەوەی ئەمریکا دەڵێت، زۆربەی باجەکانی دۆناڵد ترەمپ کە سەپاندویەتی بەسەر وڵاتاندا نایاسایین، سەرۆکی ئەمریکاش لە وەڵامدا دەڵێت، بڕیارەکەی دادگا حزبییە و ئەو باجانە نەمێنن کارەسات روو لە ئەمریکا دەکات.
لیژنەی سەرپەرشتیکردنی سیستمی ئی – پەروەردەی هەرێم دەڵێت، سەرەتای مانگی ئەیلول دوا وادەیە بۆ تۆمارکردنی ناوەندە حکومییەکانی خوێندن.
لەدوای دووبارە سەرهەڵدانەوەی ئاگرەکەی پێنجوێن و سووتانی دوو کەس بەهۆیەوە، ئاگرەکە هێشتا بەردەوامە و هاوڵاتییانی سنوورەکەش دەڵێن، زیاتر تەشەنەی کردووە و تا ئێستا پۆلیسی دارستانی پێنجوێن نەهاتووە بۆ کوژاندنەوەی ئاگرەکە.