دادگای فیدراڵی عێراق دانیشتنی تایبەت بە مووچەی هەرێمی بۆ ٢٨ـی ئەم مانگە دواخست
سەرۆکی فراکسیۆنی نەوەی نوێ لە پەرلەمانی عێراق دەڵێت، ئەو کەسەی خۆپیشاندەرێکی کوشت لە وەرتێ چەکدارێکی سەر بە پارتییە، خوا لە دنیا و قیامەت بە نەفرەتتان بکات بەهۆی ئەو تاوانەی دەرهەق بەم گەلە ئەنجامی دەدەن.
ئەپیکۆر بە ئێن ئاڕ تی وت، پشتیوانیی هەناردەکردنەوەی نەوتی کوردستان دەکەن و ئامادەن دەست بەجێ دەست بە هەناردەکردنەوەی نەوت بکەنەوە.
هەرچەندە بڕیاربوو ئەمڕۆ دادگای فیدراڵی لەبارەی مووچەی هەرێمەوە کۆببێتەوە، بەڵام دادگاکە دانیشتنی تایبەت بە مووچەی هەرێمی بۆ ٢٨ـی ئەم مانگە دواخست.
لە هەولێر لە کاتی روماڵی خۆپیشاندانەکانی هاوڵاتییان کە دژی نەبوونی خزمەتگوزارییەکان خۆپیشاندان دەکەن هێزێکی پارتی هێرشیانکردە سەر تیمی ئێن ئاڕ تی.
کەشناسی هەرێم دەڵێت، کەشی ئاسمان بە گشتی لە پەڵە هەورو نیمچە هەور دەبێت و پلەکانی گەرماش نزیک دەبێتەوە لە تۆمارکراوەکانی دوێنێ، سبەیةی سێشەمەش ئەگەری باران بارین هەیە لە ناوچە سنوورییەکان.
ئەندامێکی لیژنەی دارایی عێراق دەڵێت، زیاتر لە ٤١٠ ملیار دینار مووچەی مانگی ١٢ لای هەرێمە و دابەشی نەکردووە و پارەکەشی لەبەردەستدایە.
وەزارەتی گواستنەوەی عێراق رەتیدەکاتەوە ئاسمانی وڵاتەکەی بەڕووی گەشتە ئاسمانییەکاندا داخرابێت و دەشڵێت، هەواڵی راگرتنی گەشتەکانی نێوان عێراق و تورکیا و بەپێچەوانەوە دوورە لە راستییەوە.
شەوی رابردوو بەشێک لە دانیشتوانی وەرتێ و بالیسان لە سنوری سۆران دژی نەبوونی کارەبا و خزمەتگوزارییەکان گردبوونەوە و بەهۆیەوە وەک لە گرتە ڤیدیۆیەکدا دەردەکەوێت کەسێک لەلایەن پلەدارێکی پارتیەوە کوژرا و هاوکات ژمارەیەکی دیکە لە خۆپیشاندەران برینداربوون.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٥٩ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٦٦٦ هەزار دینارە.
نرخی بەرمیلێک نەوتی خاوی برێنت بە ٧٠ دۆلار و ٥١ سەنت مامەڵەی پێوەدەکرێت و بەراورد بە دوێنێ نرخەکەی کەمێک بەرزببووەوە.
درۆنێک لە نزیک فڕۆکەخانەی هەولێر کەوتەخوارەوە و دژە تیرۆری پارتیش دەڵێت، درۆنەکە بۆمبڕێژکراو بووە و هیچ زیانێکی گیانی و ماددی نەبووە.
هێڵی ئاسمانی تورکیا دەڵێت، سەرجەم گەشتە ئاسمانییەکانیان بۆ وڵاتانی عێراق و ئێران و سوریا و لوبنان و ئوردن تا کۆتایی ئەم مانگە هەڵوەشاندەوە.
پەیامنێری ئێن ئاڕ تی دەڵێت، خۆپیشاندانەکەی سنووری وەرتێ گرژى تێکەوت و بەهۆی تەقەی هێزە ئەمنییەکانەوە کەسێک بە سەختی برینداربوو، چاوگێکیش لە نەخۆشخانەی ئاشتی فێرکاری سۆران بە ئێن ئاڕ تی وت، هاوڵاتییەکە کەمێک پێش ئێستا بەهۆی سەختی برینەکەی گیانی لەدەستداوە.
هاوڵاتییان لە سنووری باڵەکایەتی بەهۆی نەبوونی کارەباوە گردبوونەوە و رێگەی هامڵتۆنیان داخست و بەپێی زانیارییەکان هێزە ئەمنییەکان بە مەبەستی بڵاوەپێکردنی خۆپیشاندەران تەقە دەکەن و بەهۆیەوە هاوڵاتییەک بە سەختی برینداربوو. هاوکات دانیشتوانی ناحیەی بالیسان و گوندەکانی دەوروبەری گردبوونەوە و داوای چاککردنی کارەبا دەکەن و دەشڵێن، بەهۆی نەبوونی کارەباوه ئاویشیان نیە.
بەبڕیاری ئەنجوومەنی وەزیرانی عێراق دەوامی بەشێک لە فەرمانگەکان گۆڕانکارییان تێدا کرا و وتەبێژی راگەیاندنی حکومەتیش دەڵێت، پابەندین بەو خشتەیەی بۆمان دیاریکراوە.
سەرۆکی نوێنەرایەتی هەرێم لە بەغدا سەردانی سەرۆکی نوێی دادگای فیدڕاڵی کردوو و بەبۆنەی وەرگرتنی پۆستە نوێیکەی پیرۆزبایی لێکرد.
وەزارەتی پلاندانانی هه‌رێم دەڵێت، لە چەند رۆژی داهاتوودا حكومه‌تی عێراق شایسته‌ی دارایی تایبه‌ت به به‌ڕێوه‌به‌ره‌كان و یاریده‌ده‌ره‌كان و بژمێره‌كانی پڕۆسەی سەرژمێری عێراق خەرجدەکات.
پۆلیسی گەرمیان روونکردنەوە دەدات لەبارەی رووداوی کوژرانی سێ کەس بەهۆی کێشەی زەوی و زارەوە و دەڵێت،
ئەنجامی تاقیکردنەوە گشتییەکانی خوێندنی ئیسلامی لە لایەن وەزارەتی ئەوقاف و کاروباری ئایینی بڵاوکرایەوە و قوتابیان دەتوانن سبەی لە رێگەی قوتابخانەکانیانەوە نمرەکانیان وەربگرنەوە.
لەسنووری ناحیەی بێتواتەی سەر بە ئیدارەی راپەڕین، ئاگر لە تەویلەیەك كەوتەوە بەهۆیەوە دەیان سەر ئاژەڵ سووتان.
سەرۆک کۆماری تورکیا دەڵێت، هەموو گومانەكان لەبارەی پڕۆسەی ئاشتییەوە دەڕەوێننەوە، دەشڵێت، لەگەڵ مەهەپە و دەم پارتی سوورن لەسەر بەرەوپێشبردنی پڕۆسەكە.
سەرۆکی جوڵانەوەی نەوەی نوێ دەڵێت، پارتی و یه‌كێتی داوایان له به‌غدا كردووه تا هه‌ڵبژاردنی په‌رله‌مانی عێراق چەند مووچەیەک بنێرێت چونکە ئەگەر مووچە نەدەن ناتوانن هەڵبژاردن بکەن و شەرمەزاری خەڵک دەبن. دەشڵێت، بڕیارە سبەینێ دادگای فیدراڵی بۆ دەرکردنی ئەمری وەلائی لەسەر مووچە کۆببێتەوە.
ئەندامێکی لیژنەی دارایی لە پەرلەمانی عێراق دڵنیایی دەدات کە مووچەی مووچەخۆرانی عێراق مسۆگەرکراوە و هیچ مەترسییەکی لەسەر نییە.
بڕیارە ئەمشەو جگە لە فراکسیۆنی نەوەی نوێ، فراکسیۆنەکانی پارتی و یەکێتی و یەکگرتوو و کۆمەڵ لەگەڵ جێگری سەرۆکی پەرلەمانی عێراق کۆببنەوە.
سەرۆک وەزیرانی عێراق رێنمایی ئاراستەی وەزارەتی دارایی دەکات، کە پلانێکی تۆکمە پێشکەش بکات، بۆ چارەسەرکردنی پرسی دەرچووانی بەشە پزیشکی و تەندروستیەکان بۆ ساڵی ٢٠٢٤ و ئەو بەشەی لە ساڵی ٢٠٢٣ ماوەتەوە دابمەزرێت.
وەزارەتی بازرگانی عێراق دەڵێت، ئامادەكاری كراوە لە مانگی هەشتی ئەمساڵدا كارتی ئەلیكترۆنی كۆبۆنی خۆراك لە كەركوك و ٩ پارێزگای تر دابەش بكرێت.
لەسەر رێگای نێوان کۆیە - هەولێر بارهەڵگرێک و ئۆتۆمبێلێک پێکیاندادا و بەهۆیەوە شۆفێرێک گیانی لەدەستدا و دوو کەسی دیکەش برینداربوون.
چاوگێک بە ئێن ئاڕ تی وت، لە گوندێکی سنووری ئامێدی، ورچێک هێرشیکردەسەر هاوڵاتییەک و بە سەختی برینداریکرد.
جێگری سەرۆکی حکومەتی ماوەبەسەرچوو دەڵێت، یەکێتی نیگەرانی ژیان و گوزەرانی هاوڵاتیانی هەرێمە.
پڕۆژەی کارەبا گرانەکە لە پارێزگایەکی تری هەرێم دەستپێدەکات و چوار رۆژیش کارەبای دامودەزگا حکومییەکانی ئەو شارە دەبڕێت.