رێژەی بارانبارینی ٢٤ کاتژمێری رابردوو؛ لەکوێ زۆرترین بڕ باریوە؟
کەشناسی ئاماری کۆتایی بارانبارینی ٢٤ کاتژمێری رابردووی لە ناوچە جیاجیاکانی کوردستان بڵاوکردەوە، کە تێیدا لەسەر ئاستی گشتی بەرزترین رێژە لە بەرزنجە و پێنجوێن لە سنووری پارێزگای سلێمانی تۆمارکراوە.
دادگای عێراق بڕیارێکی دەستەی راگەیاندن و گەیاندنی سەبارەت بە سەپاندنی باج بە رێژەی ٢٠٪ بەسەر کۆمپانیاکانی پەیوەندی و کارتی شەحنکردنەوەدا هەڵوەشاندەوە و بڕیارەکەی بە نادەستووری لەقەڵەمدا.
رۆژنامەی فاینانشیاڵ تایمزی بەریتانی ئاشکرای کرد، سەرمایەی کۆمپانیای وەبەرهێنانی کوڕەکەی دۆناڵد ترەمپ لە ماوەی تەنها یەک ساڵدا ١٧ هێندە زیادیکردووە و لە ٢٠٠ ملیۆن دۆلارەوە گەیشتووەتە ٣.٥ ملیار دۆلار.
سەرەڕای بەردەوامیی قەیرانی کورتھێنانی غاز لە سنووری پارێزگای دهۆک، نرخی یەک لیتر غازی شل بە بڕی ٥٠ دینار بەرزبووەوە و ئەمەش بارگرانیی زیاتری بۆ هاوڵاتییان دروست کردووە.
کەشناسی رایگەیاند، ئەمڕۆ ئاسمان نیمچە هەور دەبێت و باران لە ناوچە شاخاوییەکان دەبارێت سبەینێش، لە چەند ناوچەیەک گەواڵەباران دەبارێت و هەورەبرووسکەشی لەگەڵ دەبێت.
چاوگێک لە دارایی هەرێم بە ئێن ئاڕ تی راگەیاند، تیمێکی وەزارەتی دارایی هەرێم بە مەبەستی رادەستکردنی لیستی مووچە و میزان مراجەعە سەردانی بەغداد دەکات.
وۆڵ ستریت جۆرناڵ رایگەیاند، لە چوارچێوەی هەڵمەتەکانی دژ بە "کەشتیگەلی نهێنی" سەر بە ئێران، ئەمریکا لە زەریای هیندی دەستیبەسەر کەشتیی نەوتهەڵگری ئێرانی "سکای وەیڤ"ـدا گرتووە.
نرخی زێڕ لە هەرێم بەراورد بە دوێنێ بە نزیکەی ١٣ هەزار دابەزی و بەهای یەک مسقاڵ زێڕی عەیارە ٢١ بە ٩٦٥ هەزار دینار مامەڵەی پێوەدەکرێت، شارەزایانیش دەڵێن، یەکێک لە هۆکارەکانی دابەزینی نرخی زێڕ ئەوەیە گرژییە نێودەوڵەتییەکان و جەنگ کەمبووەتەوە.
پزیشکێکی پسپۆڕی شێرپەنجە لیستی ئەو خۆراکە باوانە بڵاودەکاتەوە کە وەک "قەڵغانێکی سروشتی" کاردەکەن بۆ بەهێزکردنی سیستمی بەرگری و کەمکردنەوەی مەترسیی گەشەکردنی خانە شێرپەنجەییەکان.
پارێزگاری بانکی ناوەندی عێراق، بوونی هەر جۆرە بەربەست یان سزایەکی ئەمریکی لەسەر پارەکانی عێراق رەتکردەوە و رایگەیاند، یەدەگی نەختینەی عێراق لە ئێستادا لە چەندین وڵاتدا وەبەرهێنانی پێدەکرێت و هیچ سزایەک لەسەر پارەکانی عێراق نییە.
سەرۆک وەزیرانی عێراق سەرپەرەشتی دووەم کۆبوونەوەی ئەنجومەنی وەزیرانی کرد و تیایدا کۆمەڵێک بڕیاری دەکرد و بڕیاریشدا لە رۆژی سێشەممەوە پشووی جەژنی قوربان دەستپێبکات، چەند بڕیارێکیشی لە بوارەکانی کارەبا و ژینگە و پەروەردە، گەڕانەوەی پارەی دەوڵەت دا.
جێگری سەرۆکی ئەمریکا لەبارەی هێرشەکانی سەر هەرێم رایگەیاند، "خەڵکی کوردستانمان خۆشدەوێت و حەزناکەین هێرشیان بکرێتە سەر". دەشڵێت، وڵاتەکەی و ئێران لە دانوستانەکانیاندا "پێشکەوتنی زۆریان" بەدەستهێناوە و نایانەوێت هێرشە سەربازییەکان دەستپێبکەنەوە.
زیاتر لە چەند کاتژمێرێکە کارەبای پڕۆژەی رووناکی لە سۆران بڕاوە و مۆلیدە ئەهلییەکان دووبارە کەوتوونەتەوە کار و لە جیاتی حکومەتی ماوەبەسەرچوو کارەبا بە هاوڵاتیان دەدات.
سەرۆکی ئەمریکا رایگەیاند، "سێ رۆژ مۆڵەت دەدەمە ئێران بۆ رێککەوتن، چونکە ناتوانم رێگەیان پێبدەم ببنە خاوەنی چەکی ئەتۆمی" و وتیشی، زۆر بە زوویی پێشکەوتنێک روودەدات، چی لە رێگەی سەربازییەوە بێت یان لە ڕێگەی رێککەوتن لەگەڵ ئێران، بەڵام پێدەچێت زۆر بە زوویی رێککەوتنێک بکرێت.
کەناڵی بی بی سی ئاشكرای کرد،ئاسایشی هەرێمی کوردستان قاچاخچیەکی کوردیان بە ناوی کاردۆ جاف دەستگیر کردوە،کە پێشتر لە رێگەی لێکۆڵینەوەیەکی وردەوە ناسنامەکەی ئاشکرا کرابوو.
پارێزگاری بانکی ناوەندی عێراق لەبارەی مووچەوە دڵنیایی دایە مووچەخۆران و رایگەیاند، دابینکردنی مووچە بە تەواوی مسۆگەر کراوە و هیچ مەترسییەکی لەسەر نییە.
وەزارەتی ناوخۆ بە فەرمی کاراکردنی مۆڵەتی شۆفێری دیجیتاڵی راگەیاند و جەختی کردەوە کە ئەم مۆڵەتە نوێیە خاوەنی هەمان هێزی یاسایی مۆڵەتە چاپکراوەکەیە.
سوپاسالاری وەزارەتی پێشمەرگە رایگەیاند، پرۆسەی یەکخستنەوەی هێزەکانی پێشمەرگە لە چوارچێوەی وەزارەتدا، تا مانگی ئەیلوولی ئەمساڵ بە تەواوی کۆتایی دێت.
دەزگای ئاسایشی هەرێم رایگەیاند، شەوی رابردوو بە دوو مووشەک و سێ درۆن هێرش کرایە سەر کەمپی پەنابەران لە سوورداش و زیانی گیانی نەبووە.
وەزارەتی پەیوەندییەکانی عێراق رایگەیاند، لە سبەینێوە بەبۆنەی دەستپێکردنی تاقیکردنەوەکانی خولی یەکەمی قۆناغی ناوەندی، لە کاتژمێری شەشی بەیانیی تا کاتژمێر ٧:٣٠ خولەکی بەیانی ئینتەرنێت دەبڕێت.
رێبەری باڵای ئێران دەڵێت، وڵاتەکەی گەیشتووەتە ئاستی هێزێکی گەورە و کاریگەری نێودەوڵەتی، هاوکات جەخت لەوە دەکاتەوە کە زیادکردنی رێژەی دانیشتووان بنەمایەکی سەرەکییە بۆ پاراستنی ئەم پێگەیە و بنیادنانی شارستانییەتی نوێ.
دوای کۆبوونەوەیان لەگەڵ ئەمینداری گشتی یەکگرتووی ئیسلامی فازڵ میرانی رایگەیاند، ئەگەر ئیرادە هەبێت دەتوانرێت ئەم دۆخە چەقبەستووە تێپەڕێندرێت.
بەیانی ئەمڕۆ تەرمی منداڵێکی تازە لەدایکبوو لە شاری کەرکوک دۆزرایەوە و بەپێی زانیارییەکانی پزیشکی دادیش، منداڵەکە دوای لەدایکبوونی خنکێندراوە.
چاوگێک لە وەزارەتی دارایی عێراق ئاشکرای کرد، ئەگەر هەرێم تاوەکو پێنجشەممە لیستی مووچە و میزان موراجەعە و داهاتی ناوخۆ رادەست بکەن، پێش جەژن مووچەی مانگی پێنج دەنێردرێت.
ئەنجوومەنی وەزیرانی عێراق بە سەرۆکایەتی عەلی زەیدی، سەرۆک وەزیرانی عێراق کۆبووەوە و تێیدا بڕیاردرا بە بۆنەی هاتنی جەژنی قوربانەوە، پێنج رۆژ لە سەرجەم دامودەزگا فەرمییەکاندا بکرێتە پشووی فەرمی.
ئەمینداری گشتی یەکگرتوو لەگەڵ شاندێکی پارتی کۆبووەوە و رایگەیاند، "وهڵامی جوانمان له یهكێتیی و پارتی بیستووه، بهڵام ئیشهكه ئاسان نییهو كات و گفتوگۆی زیاتری دهوێت".
سهرۆكی فراكسیۆنی پارتی له پهرلهمانی عێراق دەڵێت، كاندیدانی دهرنهچووی كابینهی نوێی حكومهت سكاڵایان له دادگای فیدراڵی تۆمار كردووه.
وەزیری دارایی عێراق لەگەڵ سەرۆکی ئەنجومەنی باڵای دادوەری کۆبوونەوە و باسیان لە گرنگی بەهێزکردنی هەماهەنگی نێوان دامەزراوە پەیوەندیدارەکان کرد بە ئامانجی پاراستنی دارایی گشتی و رێگریکردن لە بەهەدەردانی سامانی دەوڵەت.
وتەبێژی حکومەتی عێراق دەڵێت، حکومەتی عێراق بە توندی سەرکۆنەی هێرشەکانی سەر شانشینی عەرەبستانی سعودی دەکات، هاوكات ئاماژەی بە گرتنەبەری رێوشوێنی پێویست کرد بۆ پووچەڵکردنەوەی هەر هەوڵێک کە بیەوێت سەروەریی وڵات پێشێل بڵێت.
دادوەریی عێراق لە راگەیەندراوێکدا ئاماری هاوسەرگیری و جیابوونەوەی بۆ مانگی رابردوو بڵاوکردەوە. بەپێی داتاکان، لە سەرتاسەری دادگاکانی عێراق - بەدەر لە هەرێمی کوردستان - ٣٨ هەزار و ١٢٧ حاڵەتی هاوسەرگیری و جیابوونەوە تۆمارکراون.