مەزڵوم عەبدی: گەیشتوینەتە لێکتێگەیشتن بۆ کشاندنەوەی هێزەکانمان لە حەلەب
کەشناسی دەڵێت، ئاسمان ساماڵ و پەڵەهەور دەبێت و لە سبەینێ ئێوارەوە بۆ نیمچەهەور و هەوری تەواو دەگۆڕێت و لە شەودا بارانبارین دەستپێدەکات.
رێکخەری نیشتەجێی نەتەوە یەکگرتووەکان لە عێراق دەڵێت، کە عێراق بە بەردەوامی بەرەو سەقامگیری زیاتر دەچێت. وتیشی، لە ماوەی ساڵانی ٢٠٢٤ بۆ ٢٠٢٥ رێژەی هەژاری نزیکەی ٪١٨ کەمیکردووە.
ئەو رۆژنامەنوسە کوردەی وا بڵاوکرایەوە لە گەڕەکی شێخ مەقسود گیانی لەدەستداوە، لە ژیاندا ماوە و سەلامەتە.
سەرکردەیەکی چوارچێوەی هەماهەنگی دەڵێت، مالیکی تاکە کاندیدی ئەوانە بۆ پۆستی سەرۆکوەزیران.
توێژینەوەیەکی زانستی کە لە ساڵی ١٩٦٠ ئەنجامدراوە ئاماژە بەوە دەکات کە گەشەکردنی خێرایی دانیشتووان دەتوانێت ببێتە هۆی برسێتی بەکۆمەڵ و هەرەسهێنانی شارستانیەتی مرۆڤایەتی و توێژەرانی توێژینەوەکە هۆشدارییان داوە لە دۆخێک کە تێیدا سەرچاوەکان بەس نابن بۆ مانەوەی رەگەزی مرۆڤ.
مەزڵوم عەبدی دەڵێت، لە ڕێگەی نێوەندگیری نێودەوڵەتی بۆ راگرتنی هێرش و پێشێلکارییەکانی سەر گەلەکەیان لە حەلەب، گەیشتونەتە لێکتێگەیشتنێک بۆ راگرتنی هێرشەکان لە شاری حەلەب و کشانەوەی هێزەکانیان، گەرەنتی چوونەدەرەوەی شەهید و بریندارەکان.
نرخی زێڕ لە بازاڕەکانی جیهاندا بەرزبووەوە و ئەمڕۆ یەک ئۆنسە لەو کانزا زەردە بە چوار هەزار و ٥٠٩ دۆلار مامەڵەی پێوەدەکرێت.
دوای چەندین رۆژ لە دابەزینی نرخەکەی، ئەمڕۆ نرخی نەوت لە بازاڕەکانی جیهاندا بەرزبووەوە و نرخی بەرمیلێک نەوتی خاوی برێنت بە ٦٣ دۆلار و ٣٤ سەنت مامەڵەی پێوە دەکرێت.
ئەنجومەنی گەڕەکەکانی شێخ مەقسود و ئەشرەفییە لە حەلەب رایانگەیاند، ئاگربەستیان لە چەند بەشێکی گەڕەکەکانی ئەشرەفییە و شێخ مەقسود بە کاتی راگەیاندووە.
بڕیارە سبەی یەکشەممە، پەرلەمانی عیراق دانیشتنی چوارەمی خۆی ئەنجامبدات، تەوەرە سەرەکییەکەی کۆبوونەوەکە بریتی دەبێت لە، بەدواداچوون بۆ داهاتە نانەوتییەکان و گفتوگۆکردن لەگەڵ لایەنە پەیوەندیدارەکانی حکومەت لەو بارەیەوە.
چاوگێکی نزیک لە سودانی بە ئێن ئار تی راگەیاند، سودانی لە کاندیدبوونی بۆ پۆستی سەرۆک وەزیرانی داهاتوو کشایەوە، چاوگێکیش لە چوارچێوەی هەماهەنگی وتی، ئیحسان عەوادی بەرپرسی نووسینگەی سودانی دەبێتە کاندید بۆ سەرۆک وەزیرانی عێراق.
شارەزایەکی بواری کەشناسی، لەبارەی چەندین شەپۆلی بەهێزی باران و بەفر بارین لە ناوچەکانی هەرێم خستەڕوو و دەڵێت، شەوی دووشەممە لەسەر سێشەممە شەپۆلێکی دیکەی باران و بەفر ناوچەکانی هەرێم دەگرێتەوە، کە بەراورد بە شەپۆلی رابردوو بەهێزتر و سەرما زیاتر دەبێت.
نێردەی سەرۆكی ئەمریکا لە سوریا لەگەڵ ئەحمەد شەرع و بەرپرسانی سوریا کۆبووەوە و رایگەیاند، لەسەر راسپاردەی سەرۆک ترەمپ لەبارەی دوایین ئاڵۆزییەکانی حەلەب کۆبووینەوە و داوامانکرد هەموو لایەک شەڕ رابگرن و حکومەتی سوریا بگەڕێنەوە بۆ رێککەوتنەکەیان لەگەڵ هەسەدە دەشڵێت، "هەسەدە رۆڵی یەكلاكەرەوەی بینیوە لە رووبەڕووبوونەوەی تیرۆر و ئەمریكا ئامادەیە بۆ ئاسانکاری لە پەیوەندییەکی بنیاتنەر لە نێوان حکومەتی سوریا و هەسەدە".
پارێزگاری حەلەب رایگەیاند، بە هۆی بەردەوامی رووبەڕووبوونەوەکان لە نێوان هێزەکانی ئاسایشی حەلەب و سوپای عەرەبیی سوریا، لە هەردوو گەڕەکی شێخ مەقسوود و ئەشرەفییە لە باکووری حەلەب، ١٥٥ هەزار کەس ئاوارە بوون.
پەیامنێری ئێن ئاڕ تی رایگەیاند، کەمێک پێش ئێستا لە کاتی پاککردنەوەی رێگا لە بەفر، کەسێک کەوتە ژێر شۆفڵ و بەهۆیەوە گیانی لەدەستدا.
ئەنجومەنی دانیشتووانی گەڕەکی شێخ مەقسودی شاری حەلەب، لە راگەیەندراوێکی بەپەلەدا داوا لە سەرجەم دانیشتووانی گەڕەکەکە دەکات بێنە سەر شەقامەکان و روو بکەنە نەخۆشخانەی (خالید فەجر).
بەڕێوەبەرایەتیی راگەیاندنی حەلەب، هێزەکانی هەسەدە بە ئەنجامدانی هێرشێکی درۆنی بۆ سەر باڵەخانەی پارێزگای شارەکە تۆمەتبار دەکات، لە بەرامبەردا هەسەدە بە تووندی ئەو دەنگۆیانە رەتدەکاتەوە و بە چەواشەکاری ناویان دەبات.
وابڕیارە سبەینێ پارتی و یەکێتی لە هەولێر کۆببنەوە و پرسی پێکهێنانی حکومەتی هەرێم و چەند پرسێکی تر تاوتوێ بکەن.
تەندروستی سلێمانی رایگەیاند، ساڵی رابردوو زیاتر لە ٢٣ هەزار كەس سەردانی نەخۆشخانەی كۆئەندامی هەرس و جگەریان كردووە.
دەستەی ئۆپەراسیۆنەکانی سوپای عەرەبی سوریا لە راگەیەندراوێکدا، کۆتاییهاتنی ئۆپەراسیۆنە سەربازییەکانی لە گەڕەکی شێخ مەقسود راگەیاند. ئاسایشی ناوخۆی حەلەبیش، هەواڵەکە رەت دەکەنەوە و جەخت دەکەنەوە کە شەڕ و پێکدادان لە گەڕەکەکانی شێخ مەقسوود و ئەشرەفییە بەردەوامی هەیە.
پەیامنێری ئێن ئاڕ تی رایگەیاند، بەهۆی غازی سۆباوە لە دهۆک سێ کەس خنکان و گیانیان لەدەستدا، رووداوەکە لە گوندی باوەرکێ لە سنووری شارەدێی سەرسنگ سەر بە شارۆچکەی ئامێدی بووە.
کەشناسی هەرێم بڕی بەفربارینی ناوچەکانی هەرێمی کوردستانی بڵاوکردەوە، بەپێی ئامارەکە لە مەرزی کێلێ زۆرترین بڕی بەفرباریوە کە ٤٠ سانتیمەترە.
هاوشێوەی شارەکانی دیکەی کوردستان لە سلێمانیش هاوڵاتیان و چالاکوانان بۆ پاڵپشتی لە کوردانی رۆژئاوا هاتنەسەر شەقام و ناڕەزایەتییان دەربڕی و دەڵێن، "داواکارین کۆمەڵگەی نێودەوڵەتی فشار بکات هێرشی سەر گەڕەکە کوردنشینەکانی حەڵەب رابگرێت".
کەشناسیی هەرێم دەڵێت، کاریگەریی ئەو شەپۆلە بەفر و بارانەی ناوچە جیاوازەکانی هەرێمی گرتووەتەوە تا سبەینێ بەردەوام دەبێت.
پەرلەمانی عێراق رایگەیاند، دەستیان کردووە بە تاوتوێکردنی پرسی داهاتە نانەوتییەکان و دانیشتنی پەرلەمانی لەسەر رێكخراوە.
بەڕێوەبەرایەتیی كەشناسیی هەرێم ئاشکرای کرد کە زۆرترین رێژەی بارانبارین لە ٢٤ کاتژمێری رابردوودا لە ناحیەی هیرانی سەر بە شەقڵاوە بووە، کە بڕی ١٠٤ ملیم باران باریوە.
ناوهندی راگهیاندنی هێزی ئاسایشی ناوخۆ له شاری حهلهب رایگهیاند، بانگهشهكانی حكومهت دیمهشق بۆ كۆنترۆڵكردنی شێخ مهقسود ناراستە، دهشڵێت، "پێكدادانی توند له شهقامهكانی شێخ مهقسود بهردهوامه".
بەهۆى بارینى بەفرێکى زۆر، لە بەشیكی رێگا سەرەکییەکانى ئیدارەى سۆران ئاستەنگی هاتووچۆ دروستبووەوە و بەرگرى شارستانیش داوا لە هاوڵاتیان دەکات، تا بۆیان دەکرێت لە ماڵ بمێننەوە.
چاوگێک لە وەزارەتی پێشمەرگە بە ئێن ئاڕ تی وت، بڕیارە رۆژی سێشەممە هاوکاری هاوپەیمانان بۆ مانگی ١٢ دابەش بکرێت و بەپێی زانیارییەکانی ئێن ئاڕ تیش بری هاوکارییەکە ٧٦ هەزار دینارە.