ئاگربەستی نێوان هەسەدە و حکومەتی سوریا درێژکرایەوە
کەشناسی هەرێم دەڵێت، کاریگەری شەپۆلی بەفر و باران کۆتایی هات و کەش ئاسایی دەبێتەوە و لە کاتەکانی شەودا ئەگەری دروستبوونی شەختە و بەستەڵەک هەیە. دەشڵێت، سبەینێ پلەکانی گەرما یەک تا سێ پلە بەرزدەبنەوە.
شەوی رابردوو لە هێزەکانی ٧٠ هاوڕێیەک بە هەڵە تەقەی لە هاوکارەکەی کردووە و بەهۆیەوە راستەوخۆ گیانی لەدەستداوە.
ئاژانسى فرانس پرێس ئاشكرایكردووه، هەسەدەو حکومەتی دیمهشق، لەسەر درێژکردنەوەی ئاگربەست رێککەوتوون و ئاگربهستهكهش لانیكهم بۆ نزیكهى مانگێكه.
نەوزاد هادی، ئەندامی مەکتەبی سیاسی پارتی، بە فەرمی کشانەوەی خۆی لە کاندیدبوون بۆ پۆستی سەرۆک کۆماری عێراق راگەیاند.
بەرپرسی کارەکانی باڵیۆزخانەی عێراق لە لیبیا رایگەیاند، ٩٧ کۆچبەری دیکەی کورد کە لە لیبیا گیریانخواردبوو گەڕێندرانەوە بۆ هەرێمی کوردستان، بەوەش ژمارەی ئەو کۆچبەرانەی ئارەزوومەندانە گەڕاونەتەوە گەیشتووەتە ١٩٧ کۆچبەر.
نرخى زێڕ بەردەوامە لە بەرزبوونەوە و نرخى یەک مسقاڵ زێڕی عەیارە ٢١ بە یەک ملیۆن و ٤٥ هەزار دینار مامەڵەى پێوە دەکرێت.
وەزارەتی بازرگانی عێراق دەڵێت، هیچ گۆڕانكارییەك لە بابەتی بەشەخۆراك نەكراوە، مادەكان وەك خۆیەتی و هەر هاوڵاتییەك وەك خۆی وەریدەگرێت.
چاوگێک لە دارایی عێراق وتی، لە دوو رۆژى داهاتوودا دابەشکردنی مووچەی مانگی یەک دەستپێدەکات و مووچەی هەرێمیش دوای ناردنی لیستی مووچە و ١٢٠ ملیارەکەی داهاتی ناوخۆ دەنێرن.
رۆژی یەکشەمە بڕیارە پەرلەمانی عێراق بە بەشداریی وەزیرانی بەرگری و ناوخۆ و فەرماندە ئەمنیەکان، سەبارەت بە پرسی ئاسایشی سنوورەکان لەگەڵ سوریا کۆببێتەوە.
قائیمقامی دەربەندیخان دەڵێت، رێگاکانیان پاک کردووەتەوە و هەموو رێگاکان کراوەن، بەڵام هاوڵاتیان تا دەتوانن خۆیان لە رێگاکانی دەرەوەی شار دووربکەونەوە.
کوردستانی رۆژئاوا ساڵی ٢٠١٤ لەلایەن چەکدارانی داعشەوە هێرشی کرایە سەر، هەسەدە وەک هێزێکی کوردی شەڕی کرد و پارێزگاری لە خاکەکە کرد، هەموو جیهان چاوەڕوانی کەوتنی رۆژئاوای کوردستان بوون، بەڵام دوای نزیکەی سێ مانگ لە خۆڕاگری سەرسەختانەی شەڕڤانان و بەرگریکردنیان، ئەمریکا لەژێر فشاری رای گشتی جیهانیدا ناچاربوو لە دواین ساتەکاندا دەستێوەردان بکات و بە هێرشی ئاسمانی یارمەتی هەسەدە بدات.
سەرچاوەیەکی ئەمنی کەرکوک بە ئێن ئاڕ تی راگەیاند، ئەمڕۆ لە کەرکوک پیاوێک بە تێزاب رووخسار و جەستەی هاوسەری پێشووی سوتاند.
پەروەردەی چەمچەماڵ دەڵێت، بەهۆی خراپی کەشوهەوا سبەینێ لە سەرجەم ناوەندەکانی خوێندنی چەمچەماڵ دەکرێتە پشوو و تاقیکردنەوەکانی رۆژی شەممەش دوادەخرێت.
جەعفەر مستەفا وتی، كۆنگرێسی ئەمریكا پاڵپشتیی لە پڕۆسەی چاكسازیی وەزارەتی پێشمەرگە و دروستبوونی هێزێكی نیشتمانی لەپێناو سەقامگیریی و پاراستنی قەوارەی هەرێمی كوردستان دەکات.
هاتووچۆی سلێمانی دەڵێت، ئاگاداری سەرجەم شۆفێران و هاوڵاتییان دەکات رێگاکانی دۆڵەمیران، هەڕووتە، شاخی گۆیژە لە فلکەی ئەحمەد گرێدەرەوە، بەربەستکراوە بەهۆی هەبوونی بەفری زۆر و بەستنی رێگاکە.
هاتووچۆی چەمچەماڵ هۆشداری بە شۆفێران دەدات و دەڵێت، شۆفێریکردن لە بەرزاییەکانی بانی مەقان و رێگاکانی دەرەوەی شار مەترسیدارە.
سەرباری سارد و سەرما و بەفربارین، لە هەولێر و سلێمانی گردبوونەوە و خۆپیشاندان بۆ کوردانی رۆژئاوا بەڕێوەچوو، هاوڵاتیانیش دەڵێن، دەبێت هەمووان یەکگرتووبن و پشتیوانی رۆژئاوا بکەن بۆ دابینکردنی مافەکانیان.
فوئاد حوسێن لەگەڵ بەشێك لە لایەنە سیاسییەکانی عێراق کۆبووەوە و دەڵێت، پابەندن بە وادە دەستوورییەکانەوە بۆ پێکهێنانی حکومەتی نوێی عێراق.
بەهۆی درووستبوونی ئاستەنگی هاتووچۆ و نالەباری دۆخی کەشوهەوا، زانکۆی سۆران پشووی راگەیاند و تاقیکردنەوەکانی دواخست، هاوکات زانکۆی سلێمانیش بریاری دواخستنی تاقیکردنەوەکانیدا.
لە چۆمان دژی نەبوونی کارەبا هاوڵاتیان خۆپیشاندانیان ئەنجامدا و دەڵێن، بەم بەفر و سەرمایە رۆژانە تەنها چەند کاتژمێرێک کارەبایان پێدەدرێت.
جێگری پارێزگاری سلێمانی دەڵێت، رێگای چیایی ئەزمەر لەپێناو سەلامەتی گیانی شۆفێران و هاوڵاتیان ، دادەخرێت تا هیچ زیانێکی گیانی و ماددی نەبێت.
وەزیری جەنگی ئەمریکا دەڵێت، چەکدارە بیانییەکانی داعش لە عێراق بەشێوەیەکی کاتی دەستبەسەر دەکرێن و دواتر دەگەڕێندرێنەوە وڵاتی خۆیان.
کەشناسی هەرێم دەڵێت، ئەمڕۆ کاریەگەرییەکەی بەفر و باران بارین تا کاتەکانی ئێوارە بەردەوامی دەبێت بە تایبەت لە ناوچە شاخاوییەکان و سبەینێش کەشەکە ئاسایی دەبێتەوە و پلەکانی گەرما چوار تا شەش پلە دادەبەزن.
سوپای عەرەبی سوریا دەڵێت، یەکەکانی سوپا دەستیان کرد بە گواستنەوەی ئەندامانی هەسەدە لە زیندانی ئەقتان و دەوروبەری لە پارێزگای رەققەوهێزهكانی هەسەدەش دەستیانکرد به چۆڵكردنی زیندانی ئهقتان له سنورکە.
ماڵپەڕی عەرەبیە حەدەس لە زاری سەرچاوە کوردییەکانەوە دەڵێت، بە سەرپەرشتی بارزانی و ئامادەبوونی تۆم باراك شاندی حكومەتی سوریا و هەسەدە لەهەولێر كۆدەبنەوە و كار بۆ درێژكردنەوەی وادەی رێككەوتنی هەسەدە و دیمەشق دەكرێت.
سەرۆکی ئەمریکا دەڵێت، هێزێکی دەریاییان بەرەو ئاوەکانی نزیک لە ئێران جووڵاندووە و بە وردی چاودێریی تاران دەکەن.
لە قامیشلۆ پەرلەمانتارانی نەوەی نوێ لەگەڵ هاوسەرۆکانی پەیەدە کۆبوونەوە و تاوتوێی بارودۆخی رۆژئاوایان کرد و پەرلەمانتارانی نەوەی نوێ پشتیگیری خۆیان بۆ رۆژئاوا دوپاتکردەوە.
سەرۆکی فەرەنسا، لە پەیوەندییەکی تەلەفۆنیدا لەگەڵ فەرماندەی گشتیی هێزەکانی سووریای دیموکرات، پشتیوانیی تەواوی وڵاتەکەی بۆ هەوڵەکانی ئاگربەست و دەستپێکردنەوەی گفتوگۆ لە سووریا دووپات کردەوە. هاوکات جەختی لە گرنگیی جێبەجێکردنی ئەو رێککەوتنانە کردەوە کە لەم دواییەدا لە نێوان هەسەدە و دیمەشق واژۆکران.
فهرماندهی هێزهكانی سوریای دیموكرات (ههسهده) دەڵێت، كۆبوونهوهیهكی بهرههمداریان لهگهڵ نێردهی تایبهتی ئهمریكا بۆ سوریا ئهنجامدا و دهشڵێت، "پێشوازی له پشتگیری ئهمریكا و سیاسهتی دۆناڵد ترهمپ دهكهین بۆ دهستپێكردنهوهی گفتوگۆ و دانوستانهكانی نێوان ئێمه و حكومهتی سوریا".
سەرۆک وەزیرانی عێراق لەگەڵ نێردەی ئەمریکا لە سوریا کۆبوونەوە و باسیان لەگرنگی ئاسایشی سوریا كردووە بۆ عێراق و ناوچەكە.