لەبارەی هەناردەی نەوتەوە تورکیا پێشنیارێکی نوێ بە عێراق دەدات
وەزیری وزە و سامانە سروشتییەکانى تورکیا دەڵێت، پێویستە لە رێککەوتنی نوێی عێراق و تورکیا بۆ هەناردەکردنی نەوت مەرجی بەکارهێنانی تەواوی بۆریە نەوتییەکانی نێوان هەردوو وڵاتی تێدا بێت.
جێگری سەرۆکی حکومەتی ماوەبەسەرچوو دەڵێت، پێویستە کێشەکانی نێوان هەرێم و بە‌غدا بەپێی دەستوور و لە رێگەی گفتوگۆ و دانووستانی بەردەوامەوە چارەسەربکرێت.
دەستەی دەستپاکیی عێراق بە ئەندامبوونی وڵاتەکەی لە کۆمەڵەی نێودەوڵەتی بۆ رووبەڕووبوونەوەی گەندەڵی راگەیاند.
سەرۆکی حکومەتی ماوەبەسەرچوو دەڵێت، پێویستە مافە دەستووریی و شایستە داراییەکانی خەڵکی کوردستان گەرەنتی بکرێت و بەشێوەیەکی دادپەروەرانە و وەک قەوارەیەکی دەستووریی و فیدراڵی مامەڵە لەگەڵ هەرێم بکرێت.
گرفتی کەمئاوی لە ناوچە جیاوازەکانی هەرێم بەردەوامی هەیە و نەوەی نوێ بەردەوامە لە دابەشکردنی ئاو بەسەر هاوڵاتیاندا. ئەمڕۆ لەلایەن تیمی نەوەی نوێوە، ئاو بەسەر دانیشتوانی چەند گەڕەکێکی سلێمانیدا دابەش کرا.
شارەوانی سلێمانی دەڵێت، بەهۆی كاركردن لە پڕۆژەی یەكتربڕی تۆفیق وەهبی، لە سبەینێوە هەردوو شەقامی لاوەكی بازنەیی مەلیك مەحمود، بە ئاڕاستەی رۆیشتن بەرەو بەرزەپردی خاڵە شیهاب، بەربەست دەكرێت.
بەرهەمی رۆژانەی نەوتی هەرێم ١٢٠ هەزار بەرمیل نەوتی تێپەڕاندووە، بەڵام هێشتا حکومەتی ماوەبەسەرچوو نە داهاتی ناوخۆ و نە نەوتی رادەست نەکردووە، بەغداش هێشتا چاوەڕوانە.
كارەبای هەرێم دەڵێت، هەر كەسێك كارەبا بە نایاسایی رابكێشێت، سزای دەكەن تا ئاستی چوار ملیۆن دینار، هەر ئەوەش نییە و ئەو ماوەیەی كارەبا نایاساییەكەی بەكارهێناوە، پارەی ئەویشی لێوەردەگرن.
پەرلەمانتارێکی پارتی لە پەرلەمانی عێراق دەڵێت، حکومەتی ماوەبەسەرچوو ئامادەکاری دەکات بۆ ناردنى داهاتى نانەوتى و رادەستکردنى نەوت، دەشڵێت، وردبینى لیستى مووچەى مانگى شەش تەواوبووە.
پەرلەمانتارێکی نەوەی نوێ لە پەرلەمانتاری عێراق بە ئێن ئاڕ تی راگەیاند، بە نوسراوی فەرمی داوایان لە حکومەتی فیدراڵ کردووە کە دەست بکەن بە دروستکردنی جووت سایدی خانەقین - کەلار.
دوای ئەوەی بەهای دۆلار بەشێوەیەکی بەرچاو نزمبووەوە، ئەمڕۆ لە بازاڕەکانی هەرێمدا ١٠٠ دۆلار بەرامبەر بە ١٣٩ هەزار و ٢٠٠ دینار مامەڵەی پێوەدەکرێت.
پۆلیسی سلێمانی دەڵێت، لەلایەن مەفرەزەكانی بنكەی پۆلیسی سەیدسادقەوە بكوژی ئەو هاوڵاتییە دەستگیركرا كە چەند رۆژێك پێش ئێستا سنووری سەیدسادق كوژرا، وتیشی بکوژەکە کوڕی کوژراوەکە بووە.
ئاژانسی هەواڵی ژینهوای چینی بڵاویکردەوە، لە دوێنێوە بارانێکی بەهێز رووی لە چین کردووە و لە ئەنجامدا لافاو دروستبووە و ٣٠ کەس گیانیان لەدەست داوە.
فەرماندەی گشتی هێزەکانی سوریای دیموکرات دەڵێت، لەگەڵ حکومەتی دیمەشق پابەند دەبن بە رێککەوتنە ١٠ خاڵییەکەی نێوانیان و هەردولا لەسەر یەکپارچەیی خاکی سوریا کۆکن، وتیشی، داوایان کردووە لە حکومەتی سوریا، زمانی كوردی بكرێته زمانی فه‌رمی له ناوچه كوردنشینه‌كان.
دژی درێژکردنەوەی ماوەی سزای ئومێد بەرۆشکی بەشێکی چالاکوانان و پەرلەمانتارانی نەوەی نوێ گردبوونەوە؛ هاوکات پەرلەمانتارێکی نەوەی نوێ دەڵێت، ئەو بڕیارە نایاساییە.
هاتوچۆی سلێمانی دەڵێت، بەشی ھاتوچۆی ناوشار ـ رۆژھەڵات لێپرسینەوە و لێپێچینەوە لەو شۆفێرانە دەکات کە بەشێوەێکی نایاسایی ئۆتۆمبێلەکانیان پارک دەکەن و ئاستەنگی ھاتوچۆیی بۆ شۆفێران و پیادەڕەوەکان دروست دەکەن، دەشڵێت، لێپێچینەوەیان لەگەڵ چەند شۆفێرێکی بارهەڵگردا ئەنجامداوە.
پۆلیسی سلێمانی دەڵێت، بەتۆمەتی هەوڵدان بۆ رفاندنی جانتای ژنێك، تۆمەتبارێك لەلایەن نوسینگەی نەهێشتنی تاوانی سەیدسادقەوە دەستگیركرا و دانی بە تاوانەکەیدا ناوە.
چاوگێکی ئەمنی بە ئێن ئاڕ تی وت، لە رووداوێکی سەختی هاتووچۆ کە لە نێوان ماتۆڕسکیلێک و ئۆتۆمبێلێک روویدا، شۆفێری ماتۆڕسکیلەکە گیانیلەدەستدا.
کۆمیسیۆنی باڵای سەربەخۆی هەڵبژاردنەکان دەڵێت، بە زیرەکى دەستکرد چاودێرى هەڵبژاردنەکانی پەرلەمانی عێراق دەکرێت و لە بەرواری ٩ی ئاب تیروپشک بۆ ژمارەى کاندید و هاوپەیمانییەکان ئەنجامدەدرێت.
کەشناسی هەرێم دەڵێت، لە سبەینێوە کاریگەرى شەپۆلەکانی گەرما لەسەر هەرێم کۆتایی دێن و پلەکانى گەرما دەگەڕێنەوە بۆ سەر ئاستى ئاسایى خۆیان بۆ ئەم وەرزە، تا هەفتەی داهاتوو هیچ شەپۆڵێکى گەرما روو لە ناوچەکە ناکات، کەشناسی عێراقیش دەڵێت، سەرەتای هەفتەی داهاتوو خێرایی با زیاد دەکات.
سەرۆک وەزیرانی عێراق دەڵێت، هێرشە درۆنییەکانی سەر کێڵگە نەوتییەکانی هەرێم کردەوەی تیرۆریستین، وتیشی، لەگەڵ هەرێم و هاوپەیمانان كاردەكەن بۆ دۆزینەوەی ئەو کەسانەی کە لەپشت ئەم کارەن.
دوای ئەوەی هاتوچۆی سلێمانی رایگەیاند کە سزای ئۆتۆمبێل دەکرێت بە شێوازی ئەلیکترۆنی، ئەمڕۆ بەستەری سزای ئۆتۆمبێلی نوێ کردووەتەوە و دەڵێت، ئێستا دەتوانیت بەبێ کێشە سەیری سزاکانی سەر ئۆتۆمبێلەکەت بکەیت و پێشتوەختە لێیان ئاگاداربیت.
لەگەڵ بەرزبوونەوەی بەرچاوی پلەكانی گەرما لە سەرانسەری عێراق کە گەیشتووەتە سەروو ٥٠ پلەی سیلیزی، دەستەی پاراستن و چاککردنی ژینگەى هەرێم، چەند رێنماییەكی بۆ خۆپاراستن لە گەرما بڵاوکردەوە.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣١٥ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١یـش بە ٦٤٨ هەزار دینارە.
دوای ئەوەی ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت، ئەمە بووە هۆی بەرزبوونەوەی نرخی نەوت لە بازاڕەکانی جیهاندا، ئەمڕۆ نرخی بەرمیلێک نەوتی خاوی برێنت بە ٦٩ دۆلار و ٩٨ سەنت مامەڵەی پێوەدەکرێت، بەراورد بە دوێنێ نرخەکەی نزیکەی یەک دۆلار بەرزبووەوە.
بڕیارە لەم هەفتەیەدا شاندێکی عێراق بۆ بەدواداچوون لەسەر پرسی بەبانکیکردنی مووچە و داهاتی ناوخۆ سەردانی هەرێم بکات. چاوگێکیش دەڵێت، بەرهەمی کێڵگە نەوتییەکان بۆ سەروو ١٠٠ هەزار بەرمیل زیادی کردووە و ١٢٠ ملیار دیناری داهاتی ناوخۆی مانگی رابردووش ئامادەیە.
بازرگانی عێراق دەڵێت، کاردەکەن لەسەر میکانیزمێک بۆ ئاسانکردنی هەناردەکردنی بەرهەمە ناوخۆییەکان و دەشڵێت، پاڵپشتی دارایی بۆ ئاسانکردنی هەناردەکردنی بەرهەمە ناوخۆییەکان دەکەن.
ته‌نیا سێ رۆژ ماوه بۆ ئه‌و واده‌یه‌ی كه دیاریكراوه بۆ خۆتۆماركردن له فۆرمی ئه‌لیكترۆنی پسووڵه‌ی خۆراك، به‌رێوه‌به‌ری پسووله‌ی خۆراكی هه‌ولێریش ده‌ڵێت، هیچ به‌ڵێنێكیان پێ نه‌دراوه بۆ درێژكردنه‌وه‌ی واده‌ی پركردنه‌وه‌ی فۆڕمی ئه‌لیكترۆنی.
ئەنجوومەنی وەزاریی ئابووریی عێراق هاوردەکردنی ترێ و هەنجیری بۆ ماوەی یەک مانگ قەدەغەکردووە و لە هەرێمی کوردستانیش باج خراوەتەسەر هاوردەکردنی هەنجیر.
ئاسایشی هه‌ولێر دەڵێت، ژنێكیان ده‌ستگیركردووه كه هه‌ڵساوه به ئه‌نجامدانی چه‌ند تاوانێكی دزیكردن، به‌تایبه‌ت له‌و كه‌سانه‌ی كه ته‌مه‌نیان گه‌وره‌یه و به‌ساڵاچوون.