پۆلیسی سلێمانی: حەوت دەرۆزەکەرمان دەستگیرکرد
لە هەولێر تەرمی ژنێکی بە تەمەن لە ماڵەکەی خۆیدا دۆزرایەوە کە چەند رۆژێکە گیانی لەدەستداوە، ژنەکە مامۆستای خانەنشینی زانکۆ بووە.
کۆمیسیۆنی باڵای سەربەخۆی هەڵبژاردنەکان بانگهێشتێکی فەرمی ئاڕاستەی سەرجەم لایەنە پەیوەندیدارەکان دەکات بۆ ئامادەبوون لە رێوەڕەسمی تیروپشکی دیاریکردنی ژمارەی قەوارە سیاسییەکان.
پۆلیسی سلێمانی دەڵێت، حەوت دەرۆزەکەریان لەسەر رێگایەکی سەرەکی دەستگیرکردووە و ئەم هەڵمەتەیان بەردەوام دەبێت.
هاتوچۆی چەمچەماڵ دەڵێت، منداڵێک لەناو ئۆتۆمبێلێکی داخراوەوە جێهێڵراوە و نزیک بووەتەوە لە حاڵەتی خنکان، تیمەکانی پۆلیس توانییان رزگاری بکەن.
پۆلیسی هەڵەبجە کەسێکی بە تۆمەتی کوشتنی دوو گەنج و بریندارکردنی گەنجێکی دیکە دەستگیرکرد، وتیشی، تۆمەتبار خۆی رادەستی پۆلیس کردووە و دانی بە تاوانەکەیدا ناوە.
کەشناسی هەرێم دەڵێت، پلەی گەرما نزم دەبێتەوە و ئەگەری بەرزبوونەوەی تۆز و خۆڵێکی کەم هەیە.
٤٠ رۆژ تێدەپەڕێت لە وادەی ناردنی مووچەی مانگی شەش و بڕیارە ئەمڕۆ شاندێکی حکومەتی ماوەبەسەرچوو لەگەڵ وەزیری دارایی عێراق کۆببنەوە و لەسەر خاڵە ناکۆکەکانی نێوان هەردولا لەبارەی ناردنی مووچەی هەرێم بگەنە رێککەوتن، بەو پێیەش ئەگەر هەرێم هیچ گرفتێک دروست نەکات تا یەکشەممە بڕیار لەسەر ناردنی مووچەی مانگی شەشی مووچەخۆرانی هەرێم دەدرێت.
بەپێی راپۆرتی خزمەتگوزاری گۆڕانی کەشوهەوای کۆپەرنیکۆسی یەکێتیی ئەوروپا، مانگی تەممووزی رابردوو سێیەم گەرمترین مانگ بووە لەسەر زەوی و لە مێژوودا، هەروەها بەراورد بە ٣٠ ساڵی رابردوو گەرمترین بووە.
سەرۆکی لیژنەی بەڕێوەبردنی تیروپشکی ژمارەی دەنگدەران لە کۆمسیۆن دەڵێت، شەممەی داهاتوو کاتژمێر شەشی ئێوارە، تیروپشک بۆ دیاریکردنی ژمارەی حزب و هاوپەیمانییەتیەکان دەکرێت، کە پێشتر بڕیاربوو کاتژمێر ١١ی پێش نیوەڕۆ ئەنجامبدرێت.
رۆژانە مشتێکی کەمی بادەم یارمەتی سنووردارکردنی ئارەزووی خواردن دەدات و پشتگیری تەندروستی میتابۆلیک دەکات.
هەر ئۆنسەیەک زێڕ لە بازاڕەکانی جیهاندا، بە سێ هەزار و ٣٧٩ دۆلار مامەڵەی پێوەدەکرێت و بەردەوامە لە بەرزبوونەوە؛ نرخی مسقاڵێک زێڕی عەیارە ٢١یـش بە ٦٦٦ هەزار دینارە.
دوای ئەوەی ئێران هاوکارییەکانی لەگەڵ ئاژانسی نێودەوڵەتی وزەی ئەتۆم راگرت، ئەمە بووە هۆی بەرزبوونەوەی نرخی نەوت لە بازاڕەکانی جیهاندا، ئەمڕۆ نرخی بەرمیلێک نەوتی خاوی برێنت بە ٦٧ دۆلار و ٣٤ سەنت مامەڵەی پێوەدەکرێت، بەراورد بە دوێنێ کەمێک دابەزی.
ئیدارەی ئەمریكا دەڵێت، سەرۆکی رووسیا دەیەوێت لەگەڵ سەرۆکی ئەمریکا کۆببێتەوە، سەرۆكی ئەمریكاش بۆ هەر چەشنە دیدارێك لەگەڵ پوتن و زێلێنسكی، ئامادەیە.
لە بەندەری بەسڕە دەستبەسەر کەشتییەکی گواستنەوەی نەوتدا گیرا کە بە ئاڵای وڵاتی لایبیریاوە هەوڵی بە قاچاخبردنی ٢٥٠ هەزار تەن نەوتی عێراقی دابوو.
سەرۆکی ئەمریکا فەرمانی سەپاندنی باجی بەسەر وڵاتی هیندستاندا واژۆکرد و ٢٥٪باجی بەسەر ئەو وڵاتەدا سەپاند. حکومەتی هیندستانیش رایگەیاند، "بڕیاری زیادکردنی باج لەسەر کاڵاکانمان جێگای داخە و هەرچی پێویست بێت بۆ پاراستنی بەرژەوەندییەکانمان، دەیکەین".
ئەمشەو لەسەر شەقامی کۆیە و بەدیاری کراوی لەناو بەنزین خانەی شێر شەڕ و دەمەقاڵێ لەنێوان چەند کەسێک لەگەڵ کارمەندی بەنزینخانەکە دروستدەبێت و لەئەنجامدا سێ کەس دەکوژرێن.
ئانیا سەیوان، ماوەیەک پێش ئێستا لەسەر رێگای زەڕایەن - دەربەندیخان بەهۆی رووداوێکی هاتووچۆوە دایک و باوک و برایەکی گیانیان لەدەستدا، کەمێک پێش ئێستا ئەو منداڵە بەهۆی سەختی برینەکەیەوە لە نەخۆشخانە گیانی لەدەستدا.
لە پارێزگای نەجەف بەبۆنەی بەڕێوەچوونی رێوڕەسمەكانی یادی چلەی ئیمام حسێن حەوت رۆژ پشووی فەرمی راگەیەندرا.
بانکی ناوەندی عێراق دەڵێت، تەواوی ئەو دەنگۆیانە رەتدەکەنەوە کە باس لە راگرتنی مامەڵەکردن بە دۆلار و دراوە بیانییەکانی دیکە دەکەن لە بانکەکەدا.
وتەبێژی کۆمسیۆنی هەڵبژاردنەکانی عێراق دەڵێت، زیاتر لە ٨٢٥ هەزار کەس ناویان بۆ کارمەندی سەر سندوقەکانی دەنگدان تۆمارکردووە.
دوانیوه‌ڕۆی ئه‌مڕۆ بۆری ئاوی ئیفراز سێ شکا کە به‌هۆیه‌وه ٪٤٠ـی گه‌ڕه‌كه‌كانی هه‌ولێر بێ ئاو ده‌بن و شكانه‌كه كه‌وتووەته گوندی ئیفراز.
نەوەی نوێ لە شار و شارۆچکە جیاوازەکانی هەرێم بەردەوامە لە دابەشکردنی ئاو، پەرلەمانتارێکی نەوەی نوێش دەڵێت، شەرمە بۆ حکومەتێک خزمەتگوزارییە سەرەتاییەکان دابین نەکات. دەشڵێت، پڕۆژەی بەناو فریاگوزاریی ئاوی هەولێر لە سوودی خەڵکی شارەکە نەبوو.
قایمقامیەتی دەربەندیخان دەڵێت، لە ئەمڕۆوە بۆ ماوەی سێ رۆژ ئاڕاستەی دووەمی رێگای دەربەندیخان-ژاڵەناو قیرتاودەکرێت، پێویستە شۆفێران بە رێگای خۆڵ هاتووچۆ بکەن.
پۆلیسی دارستان و ژینگەی سلێمانی دەڵێت، لە سنووری دەربەندیخان دوو راوچی کە بە نایاسایی راویان کردووە لە کاتی هاتنی پۆلیس بۆ ناوچەکە، هەڵاتوون و کەلوپەلەکانیان دەستی بەسەرداگیراوە.
خاوەن فرۆشگاکانی قوتابخانەکان لەبەردەم پەروەردەی گشتی شاری سلێمانی گردبوونەوە و دەڵێن، بەهۆی پێنەدانی مووچە و بایکۆتەوە زەرەرێکی زۆریان کردووە و قەرەبووی ئەو کرێیە نەکراونەتەوە کە پێشتر داویانە بە حکوومەتی ماوەبەسەرچوو.
بەگوێرەی ئامارەكانی ئەنجومەنی باڵای دادوەری عێراق، كۆی گشتی ئەو زیندانیانەی كە بە یاسایی لێبوردنی گشتی ئازادكراون گەیشتووەتە ٣١ هەزار و ٤٥٢ كەس.
دەستەی خانەنیشینی عێراق دەڵێت، ئەو فەرمانبەرانەی مانگی هەشت خانەنشین بوون، رێکارەکانی پێدانی ئیکرامییەیان تەواو بووە و سەردانی بانکەکان بکەن بۆ وەرگرتنی.
وەزیری نەوتی عێراق دەڵێت، ئەمڕۆ یان سبەی نەوتی هەرێم وەردەگرن و رەوانەی بەندەری جەیهان دەکرێت، دەشڵێت، سەرەتا ٨٠ هەزار بەرمیل نەوتی رۆژانە وەردەگیرێت.
بە گوێرەی ئاماری مانگانەی تەندرووستی سلێمانی، لە ماوەی مانگی رابردوودا زیاتر لە ٨٠٠ منداڵ لەدایکبوون و ١٥ حاڵەتی لەدایکبوونی دووانە تۆمارکراوە.
بە پێی رەشنووسی بوودجەی سەربازیی ئەمریکا، بڕیارە لە ساڵی داهاتووەوە هاوکارییەکانی ویلایەتە یەکگرتووەکان بۆ پێشمەرگە رابگیرێت و حکومەتی عێراق دابینی بکات.