شاندی ئیمراڵی دوای سەردانکردنی ئۆجەلان پەیامێکیان بڵاوکردەوە
دوای ئەوەی سەردانی عەبدوڵا ئۆجەلانییان کرد، شاندی ئیمراڵی لە راگەیەنراوێکدا دەڵێت، بۆ ماوەی سێ کاتژمێر لەگەڵ عەبدوڵا ئۆجەلان گفتوگۆمان کرد، وتیشییان ئۆجەلان تەندروستییەکی زۆر باشی هەیە.
کەشناسی هەرێم کەشی ئەمرۆ و سبەی بڵاوکردەوە و دەڵێت، ئەمڕۆ ئاسمان سامال دەبێت و سبەینێش پلەکانی گەرما بەرزدەبنەوە.
کاردانەوەی واشنتن لەبارەی سەپاندنەوەی سزاکان بەسەر ئێراندا لەلایەن وڵاتانی بەریتانیا، ئەڵمانیا و فەرەنسا جیاوازە، ئەمریکا دەڵێت، ئامادەن بۆ گفتوگۆی راستەوخۆ لەگەڵ تاران بە مەبەستی چارەسەرکردنی پرسی بەرنامە ئەتۆمییەکەیان و ئیسرائیلیش گێڕانەوەی سزاکان بۆسەر تاران بە هەنگاوێکی گرنگ دەزانێت.
تەندروستی عێراق دەرگای دامەزراندنی بۆ بەشێک لە دەرچووانی کۆلێژە پزیشکییەکان کردەوە و دەڵێت، دەرگای داخستنی فۆرم بۆ دەرچووانی هەرێم ١ـی ئەلیلول دەبێت.
ده‌سته‌ی سه‌ربه‌خۆی مافی مرۆڤ له هه‌رێمی كوردستان دەڵێت، نیگه‌رانن له هێرشكردنه‌سه‌ر ئه‌و كه‌سانه‌ی له كاتی دادگایی شاسوار عه‌بدولواحید ئاماده‌بوون، وه‌ك پەرلەمانتارانی نەوەی نوێ، ده‌شڵێت، "دژی هه‌موو جۆره پێشێلكاریه‌كین و به‌هه‌موو شێوه‌یه‌ك توندوتیژی ره‌ت ده‌كه‌ینه‌وه".
بەبێ گوێدانە نارەزایی هاوڵاتییان لە گرانی نرخەکەی، حکومەتى ماوەبەسەرچوو دەڵێت، کارەباگرانەکەیان گەیاندووەتە تەواوی گەڕەکەکانی ناو سەنتەری سلێمانی.
وەزارەتی نەوتی عێراق ئاماری فرۆشتنی نەوتی بۆ مانگی تەمموز راگەیاند و بەپێی داتاکە عێراق لەمانگی تەمموزدا بەبڕی حەوت ملیار و ١٨٤ ملیۆن و ٨٠٤ هەزار دۆلار نەوتی فرۆشتووە.
یەکێک لە ئامادەبووانی ناو دانیشتنی دادگاییکردنی شاسوار عەبدولواحید تۆمارێکی دەنگی بۆ ئێن ئاڕ تی ناردووە و لە تۆمارەکەدا شاسوار عەبدولواحید لە دانیشتنەکەی دادگا رووبەڕووی دادوەر بە توندی هەموو تۆمەتەکانی رەتکردەوە قسەی جیاوازی بەرامبەر کرد.
چاوگێک لە وەزارەتی دارایی عێراق بە ئێن ئاڕ تی وت، بەهۆی درەنگ رادەستکردنی ١٢٠ ملیارەکەی داهاتی ناوخۆ لەلایەن هەرێمەوە، ناردنی مووچەی مانگی شەش کەوتە هەفتەی داهاتوو.
پەرلەمانتارێکی نەوەی نوێ لە پەرلەمانی عێراق دەڵێت، "له‌ناو دادگای سلێمانی بە بەرچاوی سەرۆکی دادگاوە ده‌یان (به‌ڵته‌جی یه‌كێتی) كه‌وتنه گیانمان و به‌چه‌ندین كه‌س لێیانداین".
لە رۆژى یەکشەممەوە، شەقامى تاسلوجە بە ئاراستەى پردە کۆنەکە دادەخرێت، بەمەش ئەو شۆفێرانەى لە دوکانەوە دەچنە سلێمانى پێویستە رێگەى جێگرەوە بەکاربهێنن.
پەیامنێری ئێن ئاڕ تی وتی، هاوڵاتییەک لە شارەزوور لەکاتی کارکردندا بەهۆی تەزووی کارەباوە گیانی لەدەستدا.
کەمێک پێش ئێستا لە دوو رووداوی هاتووچۆدا لەسەر رێگای چەمچەماڵ - تەکیە حەوت کەس برینداربوون و برینی چەند کەسێکیان سەختە.
پسوڵەی خۆراکی سلێمانی دەڵێت، بەشێک لە هاوڵاتییان کێشەکەیان چارەسەربووە و بۆ مانگی هەشت دەتوانن بەشە خۆراک وەربگرن.
راوێژکاری سندوقی نەتەوە یەکگرتووەکان دەڵێت، لە عێراق رێژەی هەژاری بۆ ١١٪ دابەزیوە و دۆخی ژیان بەرەو باشتر رۆشتووە.
وەزیری نەوتی عێراق دەڵیت، لە ئەمساڵدا بەنزینی پێویست بۆ ناوخۆی عێراق دابین دەکەن و کۆتایی بە هاوردەکردنی بەنزین دەهێنن.
له گوندێكی سنورى خورماتوو، جووتیارێك له‌كاتى زه‌وى كێڵاندا تراكتۆره‌كه‌ى وه‌رگەڕا و گیانی له‌ده‌ستدا.
ئاژانسی رۆیتەرز بڵاویکردەوە، دوای ئەنجامی کۆبوونەوە و نەگەیشتن بە رێککەوتن ئەمڕۆ یەکەم هەنگاوی سەپاندنی سزاکانی بەریتانیا و وڵاتانی ئەوروپا بەسەر ئێراندا دەستپێدەکاتەوە.
جوڵانەوەی نەوەی نوێ سەبارەت بە دانیشتنەکەی ئەمڕۆی دادگای سلێمانی دەڵێت، "وێڕای بە سەربازییکردنی دادگا و هێنانی سەدان هێزی ئەمنی و پەلاماردانی چەندین پەرلەمانتارمان، بەڵام ئەمڕۆ هاوڵاتیانی هەرێمی کوردستان بەبێ سڵەمینەوە ئامادەی دانیشتنی دادگاییکردنی سەرۆکی جوڵانەوەکەمان بوون، سوپاس و پێزانینمان دووبارە دەکەینەوە".
پەیامنێری ئێن ئاڕ تی دەڵێت، هێزە ئەمنییەکان لە دادگای سلێمانی پەلاماری هاوڵاتیانیان دا و دوو پەرلەمانتاری نەوەی نوێشیان بە سەختی بریندارکرد.
دادگای سلێمانی جارێکی تر دادگاییکردنی سەرۆکی جوڵانەوەی نەوەی نوێی دواخست و بڕیارە لە رۆژی سێشەممە ٢ـی مانگی ٩ دادگایی بکرێت، پەیامنێری ئێن ئاڕ تیش وتی، لەلایەن هێزە ئەمنییەکانەوە رێگریکراوە پەرلەمانتارانی نەوەی نوێ لە هۆڵی دادگا ئامادەبن و گرژی و ئاڵۆزی درووستبووە.
کەشناسی هەرێم دەڵێت، پلەکانی گەرما بەجێگیری دەمێننەوە و کەشناسی عێراقیش دەڵێت، لە سبەینێوە تۆز و خۆڵێکی کەم ناوچە جیاوازەکانی هەرێم دەگرێتەوە.
بەیانی ئەمڕۆ لە سنووری زاخۆ سیستمی غازی ئۆتۆمبێلێک تەقییەوە و بە هۆیەوە دوو کەس گیانیان لەدەستدا کە برا بوون و دوو کەسی دیکەش برینداربوون.
پەروەردەی هەرێم لە راگەیەندراوێکیدا مامۆستایانی خوێندنگە حکومییەکان و مامۆستایانی چاودێر لە هۆڵەکانی تاقیکردنەوەی خولی دووەم ئاگاداردەکاتەوە، سەرەتای مانگی ٩ رۆژی دەستبەکاربوونیانە.
وەزارەتی دارایی و ئابووری حکومەتی ماوەبەسەرچووی هەرێم دەڵێت، داهاتی نانەوتی هەرێم بۆ مانگی حوزەیران خرایە سەر هەژماری بانکی وەزارەتی دارایی فیدراڵ.
کۆمسیۆنی باڵای هەڵبژاردنەکانی عێراق دەڵێت، تا ئێستا ٦٠٠ کاندید بەهۆی نەبوونی مەرجەکانی بەکاندید بوون لە کێبڕکێی هەڵبژاردنی پەرلەمانی عێراقدا دوورخراونەتەوە و پێشبینی دوورخستنەوەی زیاتری کاندیدەکانیش دەکەن.
دوای گۆڕانکاری بەرچاو لە نرخەکەی؛ ئەمڕۆ بەهای کانزا زەردەکە بە سێ هەزار و ٣٨٨ دۆلار مامەڵەی پێوەدەکرێت، نرخی مسقاڵێک زێڕی عەیارە ٢١ـیش بە ٦٧٧ هەزار دینارە.
چاوگێک لە وەزارەتی دارایی حکومەتی ماوەبەسەرچوو بە ئێن ئاڕ تی وت، هەرێم ١٢٠ ملیار داهاتی نانەوتی رادەستی بەغدا کرد و دوای خەرجکردنی پارەی مووچە، لە ماوەی سێ تا پێنج رۆژدا مووچەی تەواوی موچەخۆران دابەشدەکەن.
دوای زیاتر لە دوو هەفتە لە دەستگیرکردنی سەرۆکی جوڵانەوەی نەوەی نوێ، ئەمڕۆ دادگاییکردنی شاسوار عەبدولواحید لە دادگای سلێمانی بەڕێوەدەچێت، هاوڵاتیانیش بۆ پشتیوانی سەرۆکی جوڵانەوەکە لەناو دادگای سلێمانی ئامادە دەبن.
دوای کۆبوونەوەی ئاگربەستی جەنگی روسیا و ئۆکرانیا، ئەمڕۆ نرخی بەرمیلێک نەوتی خاوی برێنت لە بازاڕەکانی جیهاندا بە ٦٧ دۆلار و ٤٣ سەنت مامەڵەی پێوەکرا و بەراورد بە دوێنێ نرخەکەی یەک دۆلار نزمبووەوە.