سەرنووچە:

د ھەوارا شێلادزێ وەرن دەرئەنجام ڤێرە پراکتیزە بوون

AM:11:07:18/04/2022
5184 جار خوێندراوەتەوە
ئەیهان سەعید
+ -

"یەکێتی و گۆڕان بۆ نیشتیمانی، بۆ مێژوویێ خۆدان ھەڵویست بن، دەمێ ھندێ یە ئۆپۆزسیۆن بێدەنگیێ بشکینیت".

پیلان ژ ھندی مەترسیترە کو ئەم دپرۆتۆکولێ حساب نەکرنا تورکیادا دبینین بۆ شاندێ حکومەتا ھەرێما کوردستانێ ب سەرۆکاتیا مەسرور بارزانی، نها دەرئەنجامێ جڤینا بەری دوو رۆژان ل شێلادزێ یا بریندار دەردکەڤیت، ھێزێن تورکیا زێدەتر دەربازی ھەرێما کوردستانێ دبن و دڤێت بنگەھێن سەربازی ل شێلادزێ و ھرۆرێ و سنورێ قەزا ئامێدیێ و زاخۆ دانن و پێنج رۆژە و ب تایبەتی شەڤا ١٧ لسەر ١٨ێ شێلادزێ یا بریندار ب دژۆاری بۆردومان دکەن.

ئەوێ ل ستراتیجیا سیاسەتا تورکیا بگەھیت دێ زانیت پارتا کارکەران تنێ بەھانەیەکە و پیلان ژ ھندێ مەترسیدارترە و ئەو دخوازن ھەیمەنەتا ئیمپراتۆریەتا ئۆسمانی بزڤڕینن، نوکە ل تورکیا ئاکەپە و مەھەپە پیلانەکا مەترسیدار ھەیە بۆ دائێخستنا ھەدەپێ و دووبارە کرنا ئەزموونا ٢٠١٥ و ڕاگەهاندنا شەڕی و ھەڵبژارتنا بەروەخت، ژبەرکو جەھەپە و ئی پارتی و ھەدەپە ژی ب ئێکلایکرنا ھاوکێشێن سیاسی یێن ئەردوغان گۆشەگیرکریە و ئاکەپە بباشی تێدگەھیت کو سەرکەفتی نابیت و پێتڤی ب شەڕ و ڕەوشەکا ئاورتەیە.

ئەوێ ئاگەھداری ڕەوشا ناڤخۆیا تورکیا بیت دزانیت کو ئەڤ جڤینە ب ئامادەبوونا ھاکان فیدان بەرپرسێ دەزگەھێ ھەواڵگیریا تورکیا-میت کو ب پلا وەزیر ئەندامێ ئەنجومەنا ئاسایشا نەتەوەیی یە و ھەڤدەم سەرۆک کۆماری ژی ئەندامە ل وی ئەنجوومەنێ کو سەرۆکێ ئەرکانێ ھشکاتی - دەریایی و ئاسمانی ژی ئەندامن. ئەڤ حەقیقەتە رووندبیت کو ئەڤ رینشتنە یا ئەمنی بوو و پیلانەکا مەترسیدار بۆ سەر سنورێت ھەرێمێ ب ھێجەتا پارتا کارکەران دەستپێدکەت و ھەر ئەڤرۆ زۆر ب توندی زاپ و کۆڕەژار و دەردورا شێلادزێ بۆمبەبارانکرینە.

جڤینێ پەیوەندی ب بازرگانیا پەتڕۆل و غازێ ڤە نینە و ھەر وەزیرێن پەیوەندی دارێن تورکیا کو وەزیرێ ژدەرڤە و بازرگانی و وزێ ل ڤێ رووینشتنێ غائیبن، ئەڤە بەری نۆکە نێچیرڤان بارزانی ل مەھا شۆباتێ ئەو ملەفا پەتڕۆل و گازێ دگەل تەیب ئەردوغان ئێکلایی کریە.

جودا ژ هزرکرنا پارتی بەلێ ھیڤیدارم پارتا کارکەران ڤێ دەرفەتێ نەدەنە بەرامبەر و ل نێزیک باژێران دیرکەڤن، پێدڤیە ئێکەتی و گۆڕان ھەڵویستەکێ جدی ھەبیت، دەمێ ھندێ یە ئۆپۆزسیون بێدەنگیی بشکینیت.

بۆ نیشتیمانی و بۆ مێژوویێ بێ دەنگیێ بشکێنن ڤی وەڵاتێ ماندی بپارێزن.

گەلەری