PM:04:57:06/07/2022
728 جار خوێندراوەتەوە
+
-
پارێزەرێ دەستەسەرکریێن بەهدینان ڕاگەهاند، زێدەباری
دەربازبوونا ٢٠ رۆژان ژ مافێ ئازادکرنێ؛ هێشتا گرتیێن شێلادزێ د زیندانێ دانە و
نەیا دیارە ژی کا پشتی جەژنێ دێ هێنە ئازادکرن یان نە. دبێژیت ژی، "ئازادنەکرنا
وان ژبەر دەستێوەردانێن حزبی یە".
بەشدار حەسەن، پارێزەرێ دەستەسەرکریێن
بەهدینان ڕاگەهاند، پشتی دادگەها تاوانێن دوو یا هەولێرێ ل رۆژا ١٦ی ٥ی ٢٠٢٢ێ پێنج
چالاکڤانێن گرتیێن شێلادزێ کو پێکدهێن ژ (یوسف شەریف، مەحمود ناجی، کۆڤان طارق،
ئەمجەد یوسف و نێچیرڤان بەدیع) بۆ هەیاما دوو سالێن زیندانیکرنێ سزاداین؛ بڕیاربوو
ل ١٦ی مەها دەربازبووی بهێنە ئازادکرن لێ هێشتا د زیندانێ دانە.
دیارژیکر، ئەو چالاکڤانە بۆجەژنێ ناهینە
ئازادکرن و نەدیارە ژی پشتی جەژنێ کا دێ هێنە ئازادکرن یان نە. دەربارەی سەدەمێن
ئازادنەکرنێ ژی دبێژیت، "دەستێوەردانێن حزبی بوویە".
ئاماژە ب وێیەکێ ژیکر، ئێک ژ چالاکڤانان توشی
نەخۆشیەکا ب مەترسی بوویە.
دەبوایە ڕۆژی ١٦/٦/٢٠٢٢ ئازاد بکرێن بە (
افراج شرطي ) هاوشێوەی هەریەک لە شێروان تەها و مەسعود حجی شەنگاری و بێریڤان ئەیوب
، بەلام بە بریاری حزب ئازاد کردنیان ڕاگیراوە .
ئەڤە د دەمەکێ دایە، ل گۆرەی داوی بڕیارا
دادگەها تاوانێن دوو یا هەولێرێ بڕیاربوو ل ١٦ی ٦ی ٢٠٢٢ێ ب (افراج شرطی) هەفئاوایێ
شێروان تاها و مەسعود شنگالی و بیریڤان ئەیوب، هەر پێنج گرتیێن شێلادزێ ژی بهێنە
ئازادکرن لێ د نها دا ٢٠ رۆژ بسەر وێ بڕیارێ دا دەربازبووینە و هێشتا ژی نەهاتینە
ئازادکرن.
جبهاد وەیسی، هەولێر