PM:04:25:27/06/2022
924 جار خوێندراوەتەوە
+
-
ناڤەندا فەلەکناسیا ناڤدەولەتیا ئیماراتی ڕاگەهاند، رۆژا شەمبی ٩ی تەمموزێ ئێکەم رۆژا جەژنا قوربانی یە.
ناڤەندا فەلەکناسیا ئیماراتی د ڕاگەهاندنەکێدا ئاماژە ب وێ یەکێ کر، پتریا وەلاتێن ئیسلامی ل رۆژا چارشەمبێ ئێکەم رۆژا حوزەیرانێ مەها زولقەعدە دەستپێکریە و ژ وان ژی سعودی و ئیمارات و عەمان مسر و سوریا و مەغرب و عێراق ب وێ یەکێ ژی ٢٩ی مەهێ رۆژا چارشەمبی پێشبینیا دیتنا هەیڤا زولحەجە دهێتە کرن.
ئاماژە ب وێ یەکێ کر، پێشبینی دهێتە کرن رۆژا پێنجشەمبی ٣٠ حوزەیرانێ ئێکەم رۆژا مەها زولحەجە بیت و ل پتریا وەلاتێن جیهانا ئیسلامی ژی رۆژا هەشتێ تەمموزێ ببیتە وەقف ل عەرەفات و رۆژا شەمبی ٩ی تەمموزێ ببیتە ئێکەم رۆژا جەژنا قەربانی.
ئەڤە ژی د دەمەکێ دایە، مەرجعێ بلندێ شیعەیان عەلی سیستانی رۆژا ٣ی مەها ئایارێ کرە جەژنا رەمەزانێ و رۆژەکێ پشتی وێ ژی وەلاتێن سونی وەکی جەژن دیارکر.
بەریا نها پەیمانگەها ڤەکۆلینێن مسرێ ڕاگەهاند، ئێکەم رۆژا جەژنا قوربانێ رۆژا ٩ی تەمموزا داهاتی دبیت و فەلەکناسەکێ سعودیە ژی ئەو بەروارە پشتڕاستکر.
هەڤدەم، ژ ئالیێ خۆڤەژی، عەبدولا مەسنەد جێگرێ سەرۆکێ کۆمەلا سەقاناسیا سعودیە و فەلەکناسێ دیاریێ وی وەلاتی بەحسا وێیەکێ کر، ئێکەم رۆژا جەژنا قوربانێ ل سالا ٢٠٢٢ێ دکەڤیتە ٩ی تەمموزێ.
بەحسا وێ ژی کریە، مەها زولقەعدە ٣٠ رۆژان تەمام دکەت و رۆژا ٣٠ی حوزەیرانا ٢٠٢٢ ئێکەم رۆژا مەها زیلحجەیە.
وی فەلەکناسێ سعودی بەحسا وێیەکێ ژی کر، رۆژا ٨ی تەمموزا ٢٠٢٢ رۆژا راوستانێ یە ل عەرەفێ ئانکو ٩ی مەهێ جەژنا قوربانێ دبیت.
جەژنا قوربانێ دووەم جەژنا پەیڕەوێن ئاینێ ئیسلامێ یە و سالانە ئەو کەسێن وی ئاینی پەیڕەو دکەن جەژنێ دگێڕن.