PM:11:52:26/06/2022
784 جار خوێندراوەتەوە
+
-
حکومەتا هەرێمێ ئەو موەلیدەیێن
ل دەسپێکا سالێن ٢٠٠٠ ب مەرەما پشتەڤانی کرنا کارەبا نشتیمانی ب کۆژمێ ٧٨ ملیۆن دۆلاران
کری بوون، د نهادا بڕیارە ب سێ ملیۆن و ٩٠٠ هزار دۆلاران بفرۆشیتە کۆمپانیەکا کەرتێ
تایبەت.
لدیڤ سۆراغا ئێن ئاڕتى،
ژمارەیا موەلیدەیان نزیکى ٦٠ موەلیدانن دەسپێکا سالێن ٢٠٠٠ ێ ب ٧٨ ملیۆن دۆلاران کری
بوون، کەچ ب سێ ملیون و ٩٠٠ هزار دۆلاران داینە کۆمپانیەکا کەرتێ تایبەت.
پشتی زێدەتر ژ ٢٠ سالان
ل کڕین و کارنەکرنێ ب موەلیدەیێن حکومی، کو ب موەلیدەیێن سەقەر دهێنە ناسکرن، حکومەتێ
بڕیارا فرۆتنا وان دەرێ خست.
ئومێد ئەحمەد پەیڤدارێ
وەزارەتا کارەبێ بۆ ئێن ئاڕ تی ڕاگەهاند، وەسا باشبوو ئەو موەلیدە لمە ڤەبن، ژ وێ
یا کو هەی زێدەتر ئەو سازی و گەنجینەیێن وان زەرەر پێ نەگەهیت.
موەلیدەیێن حکومی بۆ پشتەڤانیا
سیستەمێ کارەبا نیشتیمانى هاتینە کڕین، کە چ گەلەک ژ وان کارپێ نەکر یان گەلەک ب کێمی
کار دکر د دەمەکیدا شیانا دابینکرنا نزیکى ١٠٠ مێگاواتێن کارەبێ هەبوو.
فایەق مستەفا ئەندازیارێ
کارەبێ بۆ ئێن ئاڕ تی ڕاگەهاند، ئەو موەلیدە د خرابوی نەبوون تا ب پارچە بهێنە
دانان و ب ئەرزان بهێنەفرۆتن.
گۆتژی، وەزارەتا کارەبێ
بەرپرسە ژ وێ کو ب بهایەکێ باش بفرۆشیت و د هەمبەردا ب پارەیێ وی ژی پڕۆژەیان پێ ئەنجامبدەت
یان بڕەکێ زیدەترێ کارەبێ بێخیتە سەر سیستەمی و مفا بۆ وەلاتیان هەبیت.
فرۆتنا وان موەلیدان د
دەمەکیدایە د نهادا حکومەت بڕێ کێمتر ژ ١٠ دەمژمێران کارەبا نشتمانى ددەتە وەلاتیان
و ل سالێن دەربازبوی ژی نەکاری وەکی پێتڤی مفای ژ وان موەلیدان وەربگریت.