PM:06:24:26/06/2022
2728 جار خوێندراوەتەوە
+
-
دەستەیا بلندا حەج و عەمرەیا عێراقێ ڕاگەهاند، هەمی
حەجیێن عێراقێ کو ژمارەیا وان زێدەتر ژ ١٥ ھزار حاجی نە بۆ ئەنجامدانا فەریزەیا حەجێ
گەهشتنە ولاتێ سعودیە. ژ وێ هەژمارێ ژی هزار و ١٢٠ کەس ل هەرێما کوردستانێ بۆ گەشتا
حەجێ چوینە ولاتێ سعودیە.
سامی مەسعودی سەرۆکێ دەستەیا حەج و عەمرەیا عێراقێ
ڕاگەهاندنەک بەلاڤکریە و دناڤدا هاتیە، ئەڤرۆ ئێکشەمبی، هەمی حەجیێن عێراقێ کو ژمارەیا
وان زێدەتر ژ ١٥ ھزار حاجینە ل رێکا ئەسمانی و هشکاتی ب مەرەما ئەنجامدانا فەریزەیا
حەجێ گەهشتینە ولاتێ سعودیە.
ئاماژە ب وێ ژی کریە، هەمی حاجی ل ڕێکا پێنج بالەفڕخانەیان
و دەروازێ سنوریێ عەرعەرە لدیڤ وێ خشتا کو هاتبوو دانان گەهشتینە دناڤ ئاخا سعودیە
دا.
ئەڤە د دەمەکیدایە، پێشتر دەستەیا بلندا حەج و
عەمرەیا عێراقێ بەلاڤکر، ئەڤسالە ١٥ ھزار و ٢٥٢ کەس ل عێراقێ دکارن بۆ ئەنجامدانا
فەریزەیا حەجێ بچنە سعودیە، د دەمەکیدا پێشتر سعوودیە سۆز دابوو، پشکا عێراقێ بۆ حەجا
ئەڤسالە زێدە بکەت.
هەروەسا، پێشتر نیاز نەقشبەندی ڕێڤەبەرێ گشتیێ ڕێڤەبەراتیا
حەج و عومرەیا ھەرێما کوردستانێ ل وەزارەتا ئەوقاف و کاروبارێن ئایینیا هەرێما
کوردستانێ ڕاگەهاند، ٤٥ کۆمپانیا ل هەرێما کوردستانێ ئەرکێ وان ڤەگوهاستن و دابینکرنا
خزمەتگوزاریان دبیت بۆ هزار و ١٢٠ گەشتیاران.
ئاماژە ب وێ ژی دا د ئەڤسالەدا هزار و ١٢٠ کەس
ل هەرێما کوردستانێ بۆ گەشتا حەجێ چووینە ولاتێ سعودیە.
د سالا ٢٠٢٠دا ب سەدەما سەرهەلدان و بەلاڤبوونا
ڤایرۆسێ کۆرنایێ دەستهەلاتدارێ سعودییە ئەنجامدانا فەریزەیا حەج و عەمرێ قەدەغەکر
و ل سالا ٢٠٢١ بتنێ ڕێک ب ٦٠ هزار وەلاتیێن
ولاتێ خۆدان حەجێ ئەنجام بدەن.