PM:10:57:24/06/2022
1160 جار خوێندراوەتەوە
+
-
نوینەرێ دەستەسەرکریێن
بەهدینان ڕاگەهاند، دەمەکە ھەست ب پیلانەکا خراب دکەین ل دژى بەشەک ژ دەستەسەرکریان
ب ئاوایەکی پەیوەندیکرنا وان دگەل کەسوکارێن وان لێ هاتیە قەدەغەکرن و ئێخستینە بن
چاڤدێریەکا هوور.
ئەیھان سەعید - رۆژنامەڤان
و نوینەرێ دەستەسەرکریێن بەهدینان د نامەیەکێدا بۆ ڕایا گشتی و ئالیێن پەیوەندیدار
بەحسا وێیەکێ کر، پشتی وێ چەندێ کو رۆژنامەڤان شێروان شێروانی بۆچون و تێبنیا خۆ لسەر
جڤینا سەرۆکێ حکومەتێ ئێخستە روو دگەل بەشەکا رۆژنامەڤانان و بەرەڤانی ل خۆ و هەڤالێن
خۆ کری دەربارێ وان تۆهمەتێن بێ بنەمایێن ئێخستیە ملێ وان، پشتی کێمتر ژ ٢٤ دەژمێران
شێروان شێروانی هاتە سزادان و د ناڤ چاکسازیا ھەولێرێ دا مافێن وی پێشلکرن و کۆدا
پەیوەندیکرنێ لێ هاتەبرین و ب وی ڕا گۆت نابیت پەیوەندیێ ب کەسێ بکەی و ڤەگوهاستیە
ھۆلەکا دی کو لدیڤ ڕێنمایییان پێتڤیە دگەل وان دابیت یێن ب هەمان ماددە هاتینە
سزدان، ھەروەسا دبن چاڤدێریا کامێرا و تیما دناڤ زیندانێ دایە.
دبێژیت ژی، پێتڤیە وەزارەتا
کار و کاروبارێن جڤاکی ڕێکێ ب دەستێوەردانا دەزگەهەکێ ئەولەهیێ نەدەت دناڤ چاکسازیێ
دا، ھەروەسا ئەو رەفتارەژی بەروڤاژی وان سۆز و دروشمێن بێ کردارێن سەرۆکێ حکومەتێ
نە کو د جڤینا خۆدا کرین.
ئەویەک ژی دایە دیارن،
پشتی وان هەمی دلتەنگیێن ناڤخۆ و دەرڤە، چاڤەڕێی وێ چەندێ بووین حکومەتا ھەرێمێ و ب دیارکری پارتی دیموکراتی کوردستان پێدا
چوونەکێ د سیاسەتا خۆدا بکەت، لێ ھێشتا زیندانیێن بەهدینان دهێنەسزادان و ڕێک ب بەشەک
ژ رۆژنامەڤانان ناهێتەدان ڤەگەریێنە سەر ئاخا خۆ و چ پێنگاڤێن پراکتیکی نەهاڤێتینە
بۆ چارەسەرکرنا ڤێ پرسێ، ب ڤێ سیاسەتکرنێ ژی سومعەیا ھەرێما مە نەشرینتر دبیت ئەڤەژی
د مفایێ چ ئالیاندا نینە.