AM:10:16:15/06/2022
628 جار خوێندراوەتەوە
+
-
سازیا بەندەر و دەریاڤانا
ئیرانی، ئازادکرنا وێ کەشتییا پەترۆل هەلگرا ئیرانی راگەهاند یاکو ژ ئالیێ یۆنانێ
ڤە دەست بسەردا هاتبوو گرتن.
د راگەهاندنەکێدا کو ژ
ئالیێ سازیا بەندەر و دەریاڤانیا ئیرانێ ڤە هاتیە بەلاڤکرن ئاماژە ب وێیەکی کریە،
ژ ئەنجامێ کارێ بلەز و کارتێکرنا کۆمارا ئیسلامیا ئیرانێ، بریار دا ب ڤەگەڕاندنا وی
بارەی بۆ خودانێ وێ ئەو بریارە ژی ل یۆنان د جێبەجێکرنێ دایە.
هەر د وێ ڕاگەهاندنێ دا
بەحسا وێیەکێ هاتیەکرن کو ب بزاڤێن سازیێن ئیرانێ، حکومەتا یۆنان کەشتیا خۆ ئازاد
کریە.
دبێژیت ژی، "بەحس
ژ بڕیارا ڤەگەراندنا وێ پەترۆلا بارکری بۆ خودانێ وێ هاتیەکرن، زێدەباری لهەڤهاتنا
هەڤکاریا دادی د ناڤبەرا ئەمریکا و یۆناندا بۆ داخازیا دەست بسەرداگرتنا کەشتی و کەلوپەلان،
ل داویێ دا بریار هاتەدان ئەو بارە بۆ خودانێ وێ ڤەگەرینن".
ئەڤەژی د دەمەکیدایە، سازیا
بەندەر و دەریاڤانیا ئرانێ ٢٥ێ ئایارێ بەلاڤکر کەشتییەکا پەترۆل هەلگرا ئیرانی، ژبەر
نەئارامیا سەقای و ئاریشەیا تەکنیکی پەنا بریە بەر بەرئاڤێن یۆنانێ و دەست بسەردا
هاتیەگرتن، ئەو پەترۆلا د کەشتیێ دا لسەر داخازا ئەمریکا دەست بسەردا گرتیە.
پشتی وێ بوویەرێ ئیرانێ
کاربڕێکەرێ یۆنانی ل تاران بانگھێشتی وەزارەتا دەرڤەی ولاتێ خۆ کربوو.